(( مـــــراســــــي - حديث إلى القلب ))

[عمر الطويلعي]

بسم الله الرحمن الرحيم


حديث ٌ إلى القـلب ,,, من القديم القريب إلى النفس ..

أبحرتْ في بحْرٍ صعيب المَراسي=غرّتك من نفسك ظنون الفراسة
ما تدري إن البحْر صعْب المِراسي=كم راسْ قومٍ نوّخ البحر راسه
كم واحدٍ قبلك ثقيلٍ وراسي=وكم واحدٍ جرّب فنون السياسة
أنا نصحتك قبل , لا صرت ناسي=تغرقك من ميّ المحيطات طاسة
لو قلت لي يا قلب : يا قوّ باسي=بحر الهوى يا قلب يا قوّ باسه
لو قلت لي يا قلب : عشبك يباسِ=اليوم خضّر , وين روّح يباسه
ما جيتك معزّي , ولا جيت اواسي=جيتك طبيبٍ , عاش وقته وقاسه
لا هو دوا سقراط و الا النطاسي=ولا هو دوا ثعبان من فوق كاسه
عندي علاجٍ ما خلطته بكاسِ=يعدل باذن مولاك كلّ انتكاسه
لا خالط عيون الاوادم نعاسِ=اطرد عن القلب الشقاوي نعاسه
واحي الاماسي لاجل رب الاناسي=يشفي جروح القلب ويزيل باسه
وآي المثاني بلسم لكل راسِ=يلقاه منهو فيه عقل وكياسه
يا أهل البحووووور , الدين فيه المَراسي=وعلاج للي دايس الهمّ داسه

وسلامتكم .

[بنت الكحيلا]

الله يسلمك اخوي عمر الطويلعي

على هذه القصيدة الرائعة

الله يعطيك العافية

لك تحياتي وتقديري

[أبو غرام]

قصيدة رائعه وجميله بجمال حضور صاحبها

صح لسانك اخي واعتلا شانك

ودي وتقديري

[طلال الايداء]

صح الله

لساانكـ يالطووويلعي كفووو وجزل ورااقي

وفي انتظاااار جديدكـ بااذن الله


اخوكـ طـــــــــــــــــلال الايــــــــــــــــدااء

[عوض بن خميس]

صح لسانك اخى عمر الطويلعى
نص غالية فى الجمال من شاعر متمكن
تقبل تحياتى ومودتى..................

[ماجد الغانم]

عمر الطويلعي

صح لسااانك ...ولاهنت


حضور متميز ..وراقي

لله درك



ودمت بكل خير ...ودام هذا التميز

تقبل جل تقديري واحتراامي

[رابح الغضيان]

الشاعر/عمـــــــــــر

جميل في كل حالاتك

صح الله لسانك

رائع لاعدمتك

شاعر غني عن شهادتي

تحياتي لك