ان طاح صدر الجمل كثرت سكاكينه - °~*¤®§(§ شبـــكة ويــلان العـربـيـه §)§®¤*~ˆ°

**معيض بن عريفج** · 08/05/10, (11:40 PM)

لاباس لاتشتكي ضيقتك ياصدري = الصبرمفتاح الافراج ومعاوينه
خلك على لازمك حازم ومن بدري = وخلك على زلت اصحابك وسع لينه
ان جا الخطا من غشيم (ن) ماعرف قدري = علمته العلم من بيني ومن بينه
وتركت كلب الخواجه بالسعه يجري = ولا ني خواجه ولاني من محبينه
والراس مرفوع بين الناس من صغري = واللي يترجا البشر ماهم بمرضينه
ويامتني العذر عن حملتك لايطري = ولاتعتذر شيل حملك في مضامينه
اصبر مادامك بغيب الوقت ماتدري = يمكن تجي تاليتها من الولي زينه
اصبر لوان الصبر محسوب من عمري = ولاابا التجي للمسيكين ومساكينه
وماقدر الله يجري لازم يجري = غصب على صاحي الوقت ومجانينه
واليل عقب ظلامه يرحل ويسري = والشمس لابينت كلن معه عينه
ولاتنحني للهموم وتنكسركسري = وان طاح صدرالجمل كثرت سكاكينه

**حمد الخمعلي** · 09/05/10, (01:04 AM)

الاخ القدير الشاعر معيض عريفج

صح لسانك وسلم قلبك على هذه الراائعه0

لا استغرب عليك الابداع والجزااله0

كن بخير

**تركي صالح** · 09/05/10, (10:02 AM)

قصيده جزله من شاعراً جزل

شموخ وعزه وثقه

تبلورت في مضمون هذه الفاتنه

صح لسانك وعلا شانك

وتقبل خالص التحايا

**سالم العنزي** · 09/05/10, (03:40 PM)

الجزل دائما معيض بن عريفج

صح لسانك ...

ابيات في قمة الروعه والجمال

تقبل مروري واعجابي

**سالم صالح** · 09/05/10, (10:43 PM)

الشاعر الرائع / معيض عريفج

صح السانك قصيدة رائعة بروعة شاعرها الجزل

لله درك كم ان مميز

تقبل ودي وتقديري

**طلال معيض** · 10/05/10, (12:00 AM)

والـراس مرفـوع بيـن النـاس مـن صغـريوالـلـي يتـرجـا البـشـر مـاهــم بمرضـيـنـه

معيض بن عريفج شاعر جزل والله لايهينك على الرائعه

دمت بود

**سليمان الجعفري** · 10/05/10, (05:37 AM)

الشاعر الرائع / معيض عريفج

صح السانك قصيدة رائعة بروعة شاعرها

الله يعطيك الف عافيه ..لاهنت يالغالي

تقبل احترامي وتقديري