كل يفصل ما يناسب مقاسه!!ونا بفصل ما يناسب مقاسي

[صالح الجطيلي]

كلن يفصل ما يناسب مقاسه=ونا بفصل ما يناسب مقاسي
ما احتار رجال وعقله براسه=ما حترت با الدنيا وعقلي براسي
ابو عيون أوساع عطر لباسه=يشدني ريحه وعطر اللباسي
تعال عودك با دين به يباسه=الحق قبل يطغى عليه اليباسي
الحق على مشتاق والبعد حاسه=ومثلي مايستاهل بحبك يحاسي
اللهم كدرني ومسقين كاسه=ومع زايد الايام يزداد ياسي
كلن قضى عمره بعز ووناسه=ونا من اجلك بعت ربعي وناسي
والضيق في بعدك مسوي حراسه = سجين ومشدد علي الحراسي
اشهر علي الحزن والهم فاسه =يقطع رجانا ويكسر الوقت فاسي
ياكم عزيز جاير الوقت داسه=بس اعتقد مثلي صعيبن يداسي
با المرجله وثقت قلبي وساسه=وعقلي مع امثالك حكيمن سياسي
وأدرس العشاق كيف الدراسه=خبرة تجارب ما هي فصلن دراسي
بوضح النقا ما هيب سر وودقاسه=ونا عضو فيها ودوري حماسي
ما نيب اترس للمقفي تراسه= واطمس على دربه ولو صرت قاسي
دور لقلبك من يناسب مقاسه=انا ما كل احدن يوافق مقاسي

[خلف الغريب]

كفو يا صالح وبيض الله وجهك يا مبدع ..

الف صح لسانك ....

فعلا كما قلت انت : كل يفصل ما يناسب مقاسه..


تحياتي لك ...

[ماجد الغانم]

الأخ العزيز

والشاعر الرائع

صالح الجطيلي

صح لسانك ...على هذه القصيده

الراااائعه

ولله درك على هكذا أبداااااااااع

دمت بكل خير

ودام هذا التميز

تقبل مني كل الود

[اميرة الحرف]

بوضح النقا ما هيب سر وودقاسـه
................ونا عضو فيهـا ودوري حماسـي
ما نيـب اتـرس للمقفـي تراسـه
....................واطمس على دربه ولو صرت قاسي

صالح الجطيلي كفو والله و لاهنت وصح لسانك مليوون ولايكفون على هذه الرائعه

عيوووف

[عبدالله عايد]

صالح الجطيلي

صح لسانك مدد

قصيدة رائعة كما عودتنا على روائعك

فننتظر القادم وبشغف

وتقبل فائق تحياتي لجنابك .

[مشعل الضوي]

صالح الجطيلي........

ألف صح لسانك.........

قصيدة مليئة بروعة إبداعك.........

بانتظار جديدك........

تحياتي......

[مشاعر حالمه]

صالح الجطيلي

صح السانك يالقرم ولاهنت

رائعه جدا

تحيتي لك / مشاعر حالمه