يوم انها ضاقت تلفت بالكون** ياموسعه لكن على داله البال ..

[الجوهره....]

بين أيديكم كما هي ..

**
**
**

يوم إنها ضاقت تلفت بالكون=ياموسعه لكن على داله البال .
عزاه ياقلب من الهم مشطون=وإليا انشدوني قلت عال على عال .
والضيقه اللي كنها سيف مسنون=تلعب بقلبٍ من همومه ترى مال.
ماهمني دنيا..ولا مال وديون=لأن السعادة ماهي بكثر الأموال .
لوتخلد الأموال مامات قارون=ولو تسعده ماهو بجهنم والأهوال.
وأنا ماكدر خاطري قلة اللون=تفكيري أكبر من تماثيل وأشكال.
لكن كلام من رفيق لك يمون=يجرحك مثل الطير بيدين جهال.
ينزف ألم قدامهم مايحنون=كن الألم مايوم بأجسادهم جال.
الجرح من غاليك ماينهي الكون=لكن يحطم مابقى لك من آمال .
والغالي اللي وسط قلبي له طعون=طعناته أصفى من العسل وأعذب زلال.
صحيح يقسى لكن أقول ممنون=دامي عطيته لازم أشيل الأحمال .
لاصارجرحه ماأبيعه بمليون=ولاصار طيبه غايه ومضرب أمثال .
تدري..تمون إطعن وش أحلاهن طعون=لاصار يدك الطيبة تعلن قتال ..

مجرد خاطرة ..لكم كل الود..


جواهر..

[بدر الحنيف]

الجوهره ،،


لكن كـلام مـن رفيـق لـك يمـون
يجرحك مثل الطيـر بيديـن جهـال.

ينـزف ألــم قدامـهـم مايحـنـون
كن الألـم مايـوم بأجسادهـم جـال.

الجرح مـن غاليـك ماينهـي الكـون
لكن يحطم مابقـى لـك مـن آمـال .



حضور شعري رائع .. يسمو بالشعر .. ليكون قريبا من الجميع ..


بنبضه .. واحساسه ... وروحه ...


ما يلامس الآخر ..



صح كلك .. مدد ...



تقديري لك ،،

[عبدالله عايد]

يـوم إنهـا ضاقـت تلفـت بالكـون ** ياموسعه لكـن علـى دالـه البـال .

الجوهرة

بداية اروع لقصيدة رااائعة

هذا البيت قد يلامس احاسيس الكثير منا

الجرح مـن غاليـك ماينهـي الكـون ** لكن يحطم مابقـى لـك مـن آمـال .

صح لسانك مدد بلا عدد

قصيدة راائعة بما تحمله من احاسيس ومعاني

دمتي بهذا الحضور الرائع

وتقبلي فائق تحياتي لجنابك .

[طارق الثبيتي]

المشاركة الأصلية كتبت بواسطة الجوهره....

بين أيديكم كما هي ..

**
**
**

يوم إنها ضاقت تلفت بالكون=ياموسعه لكن على داله البال .
عزاه ياقلب من الهم مشطون=وإليا انشدوني قلت عال على عال .
والضيقه اللي كنها سيف مسنون=تلعب قلب من كثر مانقل مال.
ماهمني دنيا..ولا مال وديون=لأن السعادة ماهي بكثر الأموال .
لوتخلد الأموال مامات قارون=ولو تسعده ماهو بجهنم والأهوال.
وأنا ماكدر خاطري قلة اللون=تفكيري أكبر من تماثيل وأشكال.
لكن كلام من رفيق لك يمون=يجرحك مثل الطير بيدين جهال.
ينزف ألم قدامهم مايحنون=كن الألم مايوم بأجسادهم جال.
الجرح من غاليك ماينهي الكون=لكن يحطم مابقى لك من آمال .
والغالي اللي وسط قلبي له طعون=طعناته أصفى من العسل وأعذب زلال.
صحيح يقسى لكن أقول ممنون=دامي عطيته لازم أشيل الأحمال .
لاصارجرحه ماأبيعه بمليون=ولاصار طيبه غايه ومضرب أمثال .
تدري..تمون إطعن وش أحلاهن طعون=لاصار يدك الطيبة تعلن قتال ..

مجرد خاطرة ..لكم كل الود..


جواهر..

الشاعره المتألقه في سماء الجزاله



الجوهره



الله لايهين هالوجه على هالمشاعر المتدفقه من بحرك الغزير




صح لسانك وسلم بنانك ولاهنتي



على هالصوغ الممتع


اترككـ بود

[صالح الجطيلي]

الجرح مـن غاليـك ماينهـي الكـون @ لكن يحطم مابقـى لـك مـن آمـال .

الشاعره الجوهره

صح لسانك

لاهنتي

[علي الرماحي]

الأخت القديره / الجوهره

عانقتِ سماء الأبداع بهذه الماسـه


كلمات تلونت بلون الذهب وتعطرت بعطر الجزاله

صح السانك أختِ الجوهره ولاهنتِ

[ماضي الصبر]

تدري..تمون إطعن وش أحـلاهن طعون ... لاصار يـدك الطيبـة تعلـن قتــــال ..

هذا البيت يذكرني بالمثل القائل .....

...... ( طعن الحبيب ... ألـذ من طعم الزبيب ) ........

يا أصحابنا ألي كلكم ما تهونـــــون ... نبغى نصالح بينكم ما بها جــدال ...
يالجوهرة من ما تعانين مغبــــــــون ... واللوم ياصل واحدً عنك ما ســـال ...


قصيدة ومشاعر وأحاسيس قاتلـــــــــــــــه ...

لكــن ما نقول ألا صادق مشاعرنا معكِ ونشاركك هذه الآهات ونأمل أن تزول .

ولكي صادق مشاعري وتحياتي ..


.....