رحلة خرووووج

[غموض الشمال]

السلام عليكم ورحمة الله وبركاته..

وكل عام وانتم بخير..
.

.

.

.

لاتعتذر ماللعذر منك داعي=ولابيني وبينك مشاريه واعتاب
ولاتنتظر مني قبول وسماعي=لاتكثر بحكيك ولا تدور اسباب
انا ادري انك كنت سبة ضياعي=وادري بأنك بالقفا كنت مغتاب
لاتحسبن مشاعري لك جياعي=ولافقدتك واشعر بلوعة اغياب
غلطان مايثر علي الوداعي=مايوجعك ياغير توديع الاحباب
ولا انت عابر مرني ماستطاعي=يستوطن بقلبي ولايفتح ابواب
غريب والرحله خروجٍ بساعي=رحلة خروج ولابعدها لك اياب
غلطه ومنها فكري اليوم واعي=ومحدن تعلم غير لو اخطا وصاب
في هالزمن ماعااد تنفع طباعي=الطيبه اللي خلت القلب منصاب
رح وابتعد وانسى جميع المساعي=القلب عن مثلك تتوبته وتاب

[بنت الكحيلا]

يسعدني ان اكون اول من تصفح هذه الرائعه

صح لسانك غاليتي غموض الشمال

والله يعطيك العافية على هذا الإبداع

وهو غير مستغرب من شاعرة مثلك

لك شكري وتقديري

[بندر السديري]

غموض الشمال
شاعره رااائعه
شاعره متمكنه
الله لا يغير عليك
صح الساانك
ولاهنتي على هاالرائعه
تحيااتي

[حمد الضوّي]

غموض الشمال

كل عام وأنتي وجميع أعضاء ويلان بخير
صح لسانك أتحفتينا بهذه الرائعه
لله درك ياغموض



تحايا

[هندي المقبل]

القديره شعرا وقدرا

غموض الشمال

ابيات رائعه وجميله وتحمل بصمات غموض الشمال

صح لسانك وتقبلي اعجابي في ماكتبتي

ودي وتقديري

[بدرفهد الجعفري]

غموض الشمال

كل عام وانتي بخير وصح لسانك على هذه المعزوفه الشعريه

ابدعتي في ماكتبتي وها انا اسجل اعجابي

[مشهور الرشدان]

الشاعره القديره / غموض الشمال
صح لسانك وعتلا شانك مبدعه وليس غريب عليك الابداع
تقديري لك