ظروف الوقت.....اول مشاركه لي في المنتدى اتمنى ان تنال اعجابكم

[ماجدمحمدالعنزي]

ياظروف الوقت وش ذنب المحاني = تتعب من الهم دام ان به لكاعـه
يضرب وضرباته اتهـز المبانـي = والخفوق اشتات من بعد اجتماعه
يازمن تكفـى يكفـي مالفانـي = اعلم ان الصبرضاق من اتساعه
ماطلبت الوقت امـلاك اليمانـي = ولاني بطمـاع او بيـه بشاعـه
ادري ان العز فينـي واحتوانـي = وادري ان الحب في قلبي وداعه
ودي اتقدم لكـن دربـي حدانـي = للرجوع إلى الورى في كل ساعه
لونويت ابيعها وش هو ضمانـي = للقا ودي لكن اخشـى ضياعـه
الحيـاه بداخلـي جملـة امانـي = وان غدت ماعاد في قلبي مناعه
يمكن اني انتهي والعمـر فانـي = اواعيش وهمي يتزايد شجاعـه
او اكون انسان بس انسان ثانـي= مايبي عمـره ولايبغـى متاعـه
لاكن اني عايـش اراوح مكانـي= والزمن ماهو بمرهي لي ذراعه
احتري مدت كريمـن مانسانـي= لاعطى يعطي وانا صاحب قناعه

[سالم العنزي]

ماجد محمد العنزي

نص جميل يوحي بقدوم شاعر لايشق له غبار

صح لسانك

[بدرفهد الجعفري]

ماجد محمد العنزي

ياهلا والله حيه سعيدين بقدوم شاعر مميز مثلك

قصيده جميله ........ صح لسانك

[البدر]

مصافحه ولا اجمل من شاعر جزل

ماجد محمد صح لسانك

[عاشق المعالي]

شكرا ياماجد على هذا النص الشعري الجميع

خير بدايه فهي عربون جميل لشاعر جزل ننتظر منه اكثر

[تركي علي الخالدي]

مصافحه تليق بشخص مثلك

صح لسانك

[هندي المقبل]

اهلا وسهلا بك

وشكرا لك على هذه المصافحه الجميله وبأنتظار المزيد من الابداع فحتما هذه الابيات لاتصدر الا من شاعر

ماجد محمد صح لسانك