(ماجووور بأحساسك)

[رابح الغضيان]

كل عام وانتم بخير

تقبل الله صيامكم وقيامكم


إليكم كماهي بدون مقدمات



((ماجووور بأحساسك))

ماجور يابايع مشاعـرك ماجـور=ماجور باحساسك وشعرالتجاره
الشعر حبك وسبك واهداف وشعور=ماهو تجـاره ياخسـاره خسـاره
ويامشترين اشعار والعذر مغمـور=تجارة الاحساس ماهـي شطـاره
ماهو لزوم تصيرشاعرومشهور=الرجل في فعلـه وبيتـه وجـاره
وش عاد لوتملك من السانك قصور=ماقيل طيب قيـل يملـك عمـاره
مشكور ماقصرت مشكورمشكور=وكلٍ حسب رايـه يحـدد مسـاره
من فضل ربي وافي الشبرمستور=ولاني بحاجة سمسره واستعـاره
دحدر وتلقى شاعرك بيّسر السور=يكتب لك نصوصك بفن ومهـاره
تبغا رثى تبغا غزل منت مجبـور=تختـار لاتحتـار بأيـا عبـاره
يكتب لك الجمله وبأحساس مأثور=يبكي على نجوى ويقصد بسـاره
الشعر عنده سلق واحيان مبشـور=على الطلب معروض عب استمــاره
يابايع احساسك وياضايع الشـور=تجارتـك ياقبحهـا مـن تجـاره

راااابح

[حمد الخمعلي]

تقبل الله منا ومنكم صالح الاعمال0


اخي رااابح

مــن فـضـل ربــي وافــي الشبرمـسـتـورولانـــي بـحـاجـة سـمـسـره واسـتـعـاره



كفو كفو كفو عزالله انك شاعر جزل وليس هذا مجامله


بل هذه الحقيقه

سلم قلبك وصح كلك ياااابعدي


تقديري

[الجادل]

صَفحة تنتشِي السّموُ .. و.. الرّقي

سَلِمت وسَلم إحسَاسُك

للنّص حُروفٌ متفرّدة فِي صِيَاغتِه .. و.. للمَعنى سُمو إرتقى في تشكِيله

,,/

رابح الغضيان

الحَرف في صُحبة بيآضِك كان أسمَى و أسمَى ..

دمت بـ سمـو فاضلي

[الرااايق]

اولاً:هلابك والحمدلله ع السلامه

الرائع/الغضيان رابح

كماتعودة اكتب اسمك بهذا الشكل

شهادتي فيك مجروحه بحكم انك (عمي الصغير)

اكتفي بصح السانك ياتاج راسي

واكتفي بشهادة الشعراء والمتابعين لك

وتراي ماسويت شي في غيابك واذا هناك شي

الاختت العزيزة/احساس قلم حطتني بوجهها

بيض الله وجهها دنيا واخرة

احترامي لكل من مر من هنااا

ابنكم:الراااايق

[الصقار]

الاخ الغالي . رابح الغضيان -
صح لسانك ياابو هيثم

رائع دائما بشعرك ورقي اخلاقك

دمت لنا ودام هذا الحضور المشرف

[هندي المقبل]

الشاعر رابح الغضيان

كفيت ووفيت وصح لسانك على هذه الابيات الجزله

تقبل مروري

[نافع عيد الجديد]

الغالي ابو هيثم
صح السانك ملايين ولايكفون
قصيده مميزه بكل المقاييس
لاعدمنك
اسجل اعجابي بكل ماتكتب
لك الاحترام والتقدير