دخوووووووووولي
<<< حركات
إن راده الله ما قطعـنـا المواثـيـق
ولا نسينـا بالصديـق الصـداقـه
لك منزل ياخوك باقصـى المعاليـق
مازعزعه جور الزمن واصطفاقـه
لكن ظروفي ياحسن تيبـس الريـق
ماهنى المنام ولا عرفـت الرواقـه
ليتك بجوفـي ياولـد عمـي تويـق
وتشوف وش سوو رخـوم الرفاقـه
اهل الهروج العوج واهـل التنافيـق
واهل الضغاين والنمـك والحماقـه
فاللـي يسلـم لحيتـه للمطافـيـق
يصبر على تجريف موس الحلاقـه
كانو معي حتى علـى فكـة الريـق
واليـوم كـل قـام يشعـب نياقـه
من باعني برخيص في ساعة الضيق
وقـت الرخـا والله لشـري فراقـه