[علي ظاهر الحبلاني]

للعاطفه قلب واحاسيس والسان = وللشوق نبض ٍ عاش في دم وعروق
والحب مركب بين دفه وربان = والقلب دفه مير ربانه الشوق
والموج حالات الغلا بين خلان = والصد عوق ولا بعد صدمته عوق
من غيبتك قلبي من الضيق مليان = وغلاك كنه من جفياك مخنوق
شبعت من حرمان الايام حرمان = قلبي مهو بناقص بلياك محروق
هقوات راحت لك وردت بخذلان = حتى بنيتي بصدك القاتل فروق
يااااازي ويا ليت الذي منك ما كان = ما تعرفين ان الغلا يطلب حقوق؟!
هل تذكرين الحال بالضبط وش كان ؟!= يوم العواذل تحت واشواقنا فوق
يا شيخة الجنس اللطيف الخفا بان = ان كان باقي للغلا داخلك شوق
ياااازي ويكفي صوت الاحزان عنوان = دام الغلا ماهو غصيبه ولا بوق

تحياتي