أنساه لو تنسى بنـي يـام شيبـان
ولو ينقل الباطـن وعوجـاه بأبهـا
ولو ينتقـل لدبـي سنجـار وبـان
وبرج العرب والعين عندي عزبها
ولو تنكر المطران عرفه وعوجان
الصٌل بالصمان وأقصـى هضبهـا
والشمري يزهق بحايـل وبـرزان
يترك معاميله عقـب مـا زهبهـا
ولو يطردون الضيف طلقين الأيمان
والضيف ما يلقى له فـي عربهـا
لو تنتقل وايل ورا ضلع شمـران
وتنزل بعرعر ناس مهـي شعبهـا
ولو يتركون أهل الحسا كل بستان
ويجنبـون نخيلهـا مـع رطبهـا
وأهل البحر تنزح من السٌيف بدوان
وتارد على لينـا وتملـى قربهـا
أنساه دام الروح في وسط الأبـدان
مدام روحـي ربهـا مـا سلبهـا