[حمد الوايلي]

فاحت عطور الديرة وشعت انوار=وأستقبلت روح الوفى والطهارة
بين الحنايا ترقص اشعار واشعار=واصوغها بأرقى وصوف العبارة
كل الحدايق والمباني والاشجار=بانت علامة من وجوده واشارة
كن المدينه استقبلت سيل وامطار=والجو صافي دون ضو الانارة
أبا اوصفه واحتارواحتار واحتار=وجو العجب يفرض عليه حصارة
عم الفرح واستبشرت كل الاقطار=يعني استوى ليل الفرح مع نهاره
يعني انبنت من طلته كل الاسوار=وغنت طيور الحب لحن البشاره
وليل السمر غنى على دقت الطار=وليل الملل والهم جاه احتضاره
تحركت كل المراحل والاطوار=تحركت تخدم اصول الحضاره
وبدت ترقب وتلتهي فيه الابصار=وحنا نتمنى لو تطول الزياره
وتحولت جرد الصحاري للانهار=والروض الاخضر زاهين في خضاره
والحسن يلعب بالمناظر للابصار=ويبعد خيال الناظرين بمساره
وطعم الفرح مثل على كل الادوار=واخرج من الاحداث روح الاثاره
ويحق للي بجيته نور الدار=والكل في جيته طال انتظاره
واللي يبي يشتاق للبعد صبار=والانتظار يطول باعلى المناره
الشعر يعجز يختصر كل ماصار=ويعجز يكمل بالحقيقة حواره
وعلى وصوف الزين تجف الاحبار=ويبقى لنا ارقى وصوف العباره