اقتباس:
|
المشاركة الأصلية كتبت بواسطة بدر الحنيف
..................... هبوط إضطراري .......................!!!!
شاشت.. وثارت.. بالهجوس المفاريع = ضيق .. وعتب .. وأصوات شعر معقوده
وأقبلت راسي ممتلي.. بالصعاصيع = كن المعاني حين جات محدوده
جتني بكار ٍ مير قفّت .. مضاريع = والصبر يبخل عن غثا البال ..جوده
ماهي بزبده تطلع الشمس وتميع = عيني تشوف الطيب يبغى وقوده
ما يمرح السالب وسط جذر تربيع = لو الجذر يبذل قصارى جهوده
حين أنفتح للشك درب ٍ مع الريع = والعاقبه عند الحليم محموده
وأنا بري من صوت بعض المواضيع = بس الخطا جاني يسحّب جلوده
أشّره على.. الطيّب وأدف التسانيع = وأنقد عليه أن كان طوّل رقوده
ولا العفن يبحث على جيك ترفيع = لا جاك مقبل ..بارداتٍ زنوده
والطيب واحد لو بدا فيه تنويع = الله يبيّض وجه وارد عدوده
ألي من وأهامه بناله مشاريع = زلّته محسوبه .... ونفسي ودوده
يا حيف ماهي منه .. وشوله يذيع = خبر من الصحه تعرى وروده
وأخوه طبّح .. بالحجر والمقاليع = قدّم على بيضا نواياه سوده
واتفجّرت شرهة عتابي ينابيع = ولا الجبل ما اهتزّ ..لا.. هب نوده
والشعر ما عمره غدا صوت تخريع = يدرك كلامي كل رجل ٍ يروده
والشعر ماهو مفخره للبواتيع = حتى" الصلب "والعبد" تصرف نقوده
مادامه موزّع على الناس توزيع = ما جاب قولة "نعم" للرجل زوده
والرجل ياخذ درس الأيام ويطيع = على أبن عمه عيب يرفع عموده
تغني عن البصمه شخوط التواقيع = مادام بوحي كل طاري يقوده
وسلااااااااااااااااااااامتكم
. |
الأخ العزيز والشاعر الجزل بدر الحنيف ,,
صح لسانك على هذه الرااااااائعه الغير مستغربة من شاعر جزل مثلك ..
تحيتي وتقديري مسبوقين باعجابي ..