°~*¤®§(§ شبـــكة ويــلان العـربـيـه §)§®¤*~ˆ° - عرض مشاركة واحدة

**صالح العرجان** · 29/11/06, (08:15 AM)

الاهداء للغالي فايز البذيلي
الشاعر خلف المشعان

:

إن غبت جبت .. وعادتي .. لاغبت ماارجع بالهزيل
................. إن جبت أجيب اللي محَدْ .. بالشعر قبلي .. جابها
:

على سبيل أهل المثل .. ماني مثل أهل السبيل
................. اللي معاني حضورها .. تشبه ... معاني غيابها
:

تعشقني الفكره .. بكر .. واقهر بها الوزن الثقيل
.................. اللي بنات أفكارهم .. مبطي .. رميت .. حجابها

:

لا المستحيل يردني .. ولا ابن عم .. المستحيل
................ ياما كسرت القاعده .. واخلفت وجه ... اعـرابهــا

:

مهما بلغ كثر العدد .. يبقى بنظر عيني .. قليل
...................... مايغلبون .. التغلبي .. قومٍ .. عطت مضرابها

:

إيه .. الشجاعه .. تغلب الكثرة .. وانا اعطيك الدليل
....................... الذيب .. يدرع بالغنم .. ولايحسب .. حسابها

:

لو كل من اسمه جميل .. من العرب .. يطلع جميل
................. كان اكثر اسماء العرب .. تحمل صفات اصحابها

:

ماينعم .. بظل النخيل اللي تحت ( جذع ) النخيل ...!!
..................... الشمس تصقع هامته ... حتى يحين ... غيابها

:

ولا طولت عمر آدمي .. قولة : ( عسى عمرك طويل )
.................... طول العمار .. وقصرها .. رب العباد .. ادرابها

:

رح ردها عني .. وانا باكبر .. عواقبها ... كفيل
.................... ان كانها كذبه .. فانا .. بين العرب .. كــذابها

:

ان الشجاعه تغلب الكثره .. وهذا اكبر دليل ...!!
....................... الذيب .. يدرع بالغنم .. ولايحسب .. حسابها