[عبدالله عايد]

السلام عليكم

اعزائي اعضاء منتدى الويلان حبيت اني اشاركم معاكم بالقصيدة هذي واتمنى انها تحوز على رضاكم

انا صاحبي حتى السحب ما تعداه = تاقف تطالع خصلة خصها فيه
سبحان ربٍ كونه كيف سواه = ومن الحلا والملح وشلون كاسيه
مدري وش اوصف في جماله وش ابداه = كله حلا من هامته الين رجليه
زود الجمال اصبح هو اكبر معاناه = من شافته صاحت تبي مثل عينيه
تندب بلحظات جمعتها بمحياه = تنقد على جمالها ان شافت ايديه
يكمله طبعه حلا حيل واغناه = ومن البها والملح سبحان معطيه
وياويل من شافه بعينه وراعاه = هو سيد الحلوين وهو باشه وبيه
من شاف زوله يختلف شي يغشاه = ثم يتهزهز في كلامة ورجليه
وليا تكلم يمي وحرك شفاه = احلى كلام الخلق واحلى معانيه
وان طالع لواحد كما النار تصلاه = يذوب كنه ثلج والنار تصليه
وليا تبسم زين الوقت حلاه = في عين منهو يندب الحظ ينعيه
واصبحت احبه حيل واغليه واهواه = ومنهو عرف خلي ولا صار يغليه ؟!
ان كان هو ساس الحلا وراس مبداه = مبدا الحلا منه وبعد ينتهي فيه
واخلاق قمة في سلوكه تبناه = حتى كلامة لا تكلم منقيه
بالله يا ماجد وانا اسألك بالله = زين الطبايع ما يجب فيك تغليه ؟!!
والله حبيته عساني فداياه = وهو حبني عسى له الروح تفديه
جسر الغلا من بيننا زان مبناه = يبنيه في شوقه وانا بشوقي ابنيه
اصبحت انا قيس وهو لقيس ليلاه = ويالله لا تغير بقيس ولياليه
اشتاق له مثل الحيا واتمناه = وماقلت بالساني ترى القلب يمليه