السلام عليكم ورحمة الله وبركاته
هذي الابيات موجهه للاخ فهد معزي
بقصد المزح فقط لا غير
ويابو معزي ما ابيك ترد علي بابيات لا انت ولا الاعضاء
ابيك بس تشوف الرساله اللي بصندوق الوارد ترى ذبحها الضما والوقت مثلك خابره محل..........
يابو معزي جالكم مننا خط = يالوايلي ما شفت رد المخاطيط
بصندوقك الوارد ترى ذودهن حط = بالمنتدى السابق تراهن محاطيط
عن شوفهن يا مسندي شوفكم شط = ولاظنتي مثلك كثير الشواطيط
المطرفي طالبك يا محزمي نط = والمعذره كان اتعبتك المناطيط
عجل ترى موجات راسي تلخبط = ومن البطا ياخوك صارن مقاطيط
عطني الجواب وطالبك دون تشتط = قلته ولاقصدي لجنابك تشاطيط
وختامها صلوا عدد طاير البط = صلوا على محمد عداد الحناطيط
لك الاحترام والتقدير
اخوك
المطرفي