[مصلح النشمي]

.





مزيد المزيد..اخي وصديقي الذي احببته قبل ان اراه ورأيته فاحببته اكثر.. رجل بما تعنيه الرجوله..
هو انسان قبل ان يكون شاعر.. من النوع النادر في المنتديات لما يمتلكه من قلب ابيض ونية صادقة
بيضاء كبياض فعله..

كتكريم بسيط له.. اردت ان اضع هذه الدراسة او القراءة المتواضعة لابداعاته.. وماهي الا مجهودات فردية بسيطه للتعمق في
لغة واسلوب ابوراكان من خلال مايكتبه من ابداعات..

جوانب من اسلوبه



أولا: الوطنية:

الحس الوطني لشاعرنا لم يغفل عن اوضاع مملكتنا الحبيبة وما فعله اصحاب الفكر الضال..فيقول في قصيدة له عن الارهاب..

علمي سلامة راسك الليل ليلين = والكي هو طب الجروح ودواها
ياكبرها طعنات ناس قريبين= نار تلظى في ضلوعي سناها

/

الله واكبر كيف وشلون ومنين = ام تموت وموتها من ضناها

الى ان يقول:

بس الذي يخون دار الحرمين= ماله عذر لاخان وانكر وفاها

** وهناك مرثيته العظيمه في المغفور له بإذن الله تعالى الملك فهد بن عبدالعزيز..

ماهز شعب المملكة غير ثنتين=موتة فهد والدمعه اللي بعينك

ثانيا : التفاخر بالقبيله:

يقال من ليس له ماضي فلا حاضر له.... والتفاخر بالقبيله وفعل القبيلة موجود منذ العصر الجاهلي في اشعارهم ولاخير في رجل يتجاهل اصله... وقد ابدع مزيد كثيرا في التطرق الى قبيلته(عنزه) وتفاخر بذلك ..
وفي قصيده ولا اروع منها..دعى بها ابناء القبيلة الى الالتفاف وتوحيد الكلمة
يقول..

حنا بنـي وايـل ولافيـه تزييـف=نفخر بفعـل رجـال عـز القبيلـه
اللي فعول ايمانهم بالخطـر شيـف=يوم انها بالسيـف فـوق الاصيلـه

الى ان يقول..

وياعيال وايل بسمكم كـل تشريـف=اسـم" يعـز وكلنـا ننتمـي لــه
هبوا معي في صف واحد كما السيف=سيف" ينومس باللقـا مـن يشيلـه
ونبقى سوا في وجه ميل الصواديف=والجمـع قـوه والمعالـي وسيلـه
وياربعي اللي تحتمـون المواقيـف=ماضاع رجـل" حـط عقلـه دليلـه

وقد قال ايضا...

نجـرح بعـض ونقـول ذا معترضنـا=لدنى سبب مـن شـان نبدا بـه اللـوم
يااااخي مـدام اقـرب قريـبا" بغضنـا=تف" علـى الدنيـا وماصـار مقسـوم

ثالثا: الخيال والتشبيه:

يتمتع شاعرنا بخيال صخب وواسع استطاع ان يصخره في ابداعاته الشعريه ورغم ندرة استخدامه له الا انه اجاد في ذلك كقوله:

يافاتنـة لاصـار كــل" بغـيّـه=أنا المطر وأنتي برجـوى هطولـه

وله ايضا من قصيدة اخرى لا اروع منها الا شاعرها..

افتح ياسمسم .. جيت ادور لي احباب=عدنان انا وابحث عـن ديـار لينـه

رابعا الحكمة والتجربة:

ولمزيد باع طويل في هذا الاسلوب يعرفه من يتابع كلماته..ويقرأه في شعره الحكيم..

كقوله:

جـرح يجـي خلسـه وزور" وتدليـس=وجرح يجي بيدين الاصحاب مكشـوف
ورجل يجرب معـدن الطيـب ويقيـس=حد الرجولـه لاصبحـت هـز بكتـوف
ورجـل سلامـه يعتبـر فيـه تدنيـس=ماهو بري لو يلحـق حلـوف بحلـوف

خامسا: اسلوب الغزل:

رغم ان مزيد المزيد مقل جدا فيه.. الا انه ابدع واجاد الغزل..

كقوله..

اقترب اكثر واكثر لاتخاف ان شفـت نـور=ذا قصيدي يشتعل بـك والخسـاره بحطبـي
لا ألـف ولا أدور ولا تـلـف ولا تــدور=الصراحه مطلبك وانـا الصراحـه مطلبـي.

وفي قصيدة اخرى يقول

لاقلت وينك؟..صاح لك قلب ولسان=ويني انا لا والله الا انت وينك
ماغير صوتك ولع الشوق نيران=وشلون اجل لاجات عيني بعينك؟

وايضا في قصيده اخرى يقول

مجنونها بالحـب والقلـب مجنـون=مايعشـق الا بنـت عـز وامـيـره
درة بحر في وسـط محـار مدفـون=وكل اليديـن اللـي تبيهـا قصيـره
شامت عن اللـي بالمحبـه يحبـون=وحبت خفوق" فـي غرامـه جديـره

الى اخر القصيده..



سادسا:اسلوب التفاخر

وهو كأسلوب شاعرنا بالتفاخر في قبيلته..ايضا يتفاخر بشعره..وبنفسه وان الشعر والمنتديات بصفة عامة ليست الا وسيلة وصل من خلالها...
كقوله

هالمنتدى ماجيت انا تحـت ظلـه=من شان امثل دور حسـن اللباقـه
ولاجيت انا لجل العيـون المظلـه=من شان ادور من وراها عشاااقـه

وله ايضا..

هالراس ثابت ماتهـزه حواسيـد=ماينحـنـي الا لـربـي عـبـاده
لني رجل ماجيـت درب المناقيـد=ربيت تحت اللي له الطيـب عـاده
شاعر ولاهمه رضا زيـد وعبيـد=وجور العواصف مايهـزن عنـاده

سابعا:الواقعية والنظرة المتحسرة لاوضاع المسلمين:
وهنا نجد ان شاعرنا لم يغفل عن هذا الجانب..وكثيرا ماطغى على شعره وصف حال
الامة الاسلامية وقد ابدع في هذا الشق من شعره..

يقول شاعرنا في رائعته جلطة شارون...

ياحسين لحظه دوبك العلم مغشوش=والوضع باقي مثل ماهو من سنيـن
لو انجلط شارون وان مات ابن بوش=وش عاد تفرق ياعرب موتة اثنيـن
الذل فينـا واصـل" حـدّ وعـروش=كل العرب من رووسها لين الادنيـن

الى ان قال

سلم على شارون .. ولا يهون ابن بوش=واثنـه لحكـام العـرب والسلاطـيـن

وايضا قال في قصيدة عدنان ولينه:

اقفى بها عبسي ولاحسـب حسـاب=شاف الزمان اغبـر وغبـر سنينـه
راح يتمخطر واحترامـي للاصحـاب=ماغيـر شجـب وبالخفـا محتمينـه
لكن محال يدوم هالحـال لـو شـاب=راس الطفل يجيه مـن هـو يهينـه

وايضا في قصيدة اخرى يقول..

دابٍ اكل لّه صقر والصقر اكل داب= والذيب حط الحمل والبوم شاله
والليل ماله صبح بعيون الاصحاب= يا كود شرهه واعتبرها جماله

الى ان يقول..

ياخال لاصارت تقاسيم واحزاب= ولاصار شيخ القوم للناس عاله
ولاصار راعي الذنب تخضع له ارقاب=يامر وينهى تحت ستر العداله
لحقت على عطر الشوارب والاشناب= واللي تنخى بس طشة عقاله!!

وايضا في قصيدته الاخيره بعد ضربة لبنان يقول

يوم الربوع اللي مضى دمنا راق= ندّى جبين الحر بيدين طاغي
ضربة جبل لبنان توجع بالاعماق =مافيه غير الذيب والذيب راغي

اخيرا,, اعتذر على الاطالة رغم اني اختصرت الكثير..وامل ان اكون قدمت المفيد عن شخصية احبها ..وسأبقى احبها ويحبها جميع اعضاء هذا المنتدى الرائع..



تحياتي وحبي لكمـ ,,