[صالح العرجان]

لين الورد


التعسف اللي انت تكلمين عنه موجود خوذي عندك مثلا كان بعض الاولين

اذا سوا القهوه الفجر وراح يصلي يمسح بيده المكان اللي حولها عشان المره ما تجيه وهذا وارد

ولكن سوالي انا ليه حنا بس نركز على الجوانب السلبيه من مجتمعاتنا مع انها انقرضت والفضل يعود للعلم

هناك امثله كثيره عن النساء العوب هل هن اغلبيه تستحق الحديث عنها لا عندك مثال به رجال كريم

مضياف دايم ناره شابه وبليله من الليالي خطروه له عرب هلا ورحب بهم وذبح ذبيحته وقال لمعزبته

يام افلانه قومي اطبيخها لنا نبيها (( مليحيه )) اي (( منسف )) ردت عليه وهي تقول اسمعي زين

(( والله لو يقوم ابوي من قبره ويقول سويها ما سويتها )) وهي تشطر هناك على دوشقها

تدرين وش سوى اخو.......؟! صوت لبنته وقال له بنتي بنتي وزعي هالعجينه على جارتنا

خليهن يخبزنها لنا وهو كل شوي يجي يحوف العشاء يشوف هو نجض والا لا المره تشوفه من بعيد

ما تكلم عليها ولا قاله شي شوي ليا البنت جايبه الخبز وهو يقلط عشاه للرجال يوم كل عينا سرت

جته وهي تقول له والله يا اخو.....؟ لو انك ضاربني والا متكلمن علي اشو لي من اللي سويتها

شوفي رده واسمعي حنا محتاجين ناس تسمع لمثل هالكلام لا ياام (( فلانه )) لا يصير بخاطرك شي

ادري انك تعبتي من كثر الضيوف والا الهقوه بك اكبر.


(( ما يكفيك انا اذا انتخينا ما ننتخي الا باسامي خواتنا ))



كوني بخير