عرض مشاركة واحدة
قديم 10/05/05, (03:08 PM)   المشاركة رقم: 1
المعلومات
الكاتب:
خالد العبيد العنزي
اللقب:
ضيف عزيز

البيانات
التسجيل: 10/05/05
العضوية: 146
المشاركات: 2
بمعدل : 0.00 يوميا
معدل التقييم: 0
نقاط التقييم: 50
خالد العبيد العنزي يستحق التميز


الإتصالات
الحالة:
خالد العبيد العنزي غير متصل
وسائل الإتصال:

المنتدى : منتدي الشعراء
افتراضي القطــب الشمــالي ,,



مساكم الله بالخيــر


"
"
"

في خضمّ . الشوق والذكرى . وحزني . وارتحالي
______________ وانكساري , بين .. غاياتي .. والأيام ..البخيله

صحت يا أحلى ( تعاليلي ) .. تعالي لي .. تعالي
______________ لا . تخليني .. وانا ظميان .. والرحله .. طويله

والتفتّ .. ولا لقيت الاّ ..القصيد اللي .. سعى لي
______________ حرفي . اللي خابره .. لامن نخيته .. جاب حيله

من نخيت الحرف ( يوصفها ) تحيزم وانتخى لي
______________ فز لي .. فزة شجاعٍ .. فـزّعه .. شيخ .القبيله

قال لي غالي .. وتبشر بالطلب .. لو كان .غالي
______________ قلت له بيـتين .. للقلب الشقي .. تروي غليله

في هنوفٍ .. ترسم البسمه .. على سود الليالي
______________ ماتشبّه .. غير بالغزلان .. والخيل .. الأصيله

طاهره مثل النوايا .البيض .. في قلب الشمالي
______________ حالمه . مثل انعكاس .. النور في شط المسيله

من وقع في سحر نظرتها من اصحاب المعالي
______________ من سلم من سحر نظرتها من اصحاب الفضيله

كل حكمٍ غير حكم .. ( عيونها ) .. حكم انتقالي
______________ كل غايه غير شوف ( عيونها ) تصبح وسيله

زينها , أثبت بأن الزين .. اصلاً ( رأسمالي )
______________ وباحتكاره , أثبتت ان .. ( الشيوعيه ) هزيله

شكّلت في داخلي من حبها ( جيش انفصالي )
______________ ثار , واستولى على عرش الخفوق بظرف ليله

هاه .. ياحرفي علامك ؟ ليه ساكت ياحلالي ؟
______________ ليه , وش علمك بديت تخاف من وصف الجميله

قال دام وصوفها هذي فنا اعلنت اعتزالي
______________ ابك , هذي , وصفها ياشيخ ... حاجه مستحيله

لو تطل بحسنها الطاغي على القطب الشمالي
______________ كان من .. جمرة شفايفها ... غدى مثل المليله



:

:


مودتـي واحتـرامي للجميــع ,,


















عرض البوم صور خالد العبيد العنزي   رد مع اقتباس