راكب الي فخموه وكبرو طبلونه = وميزة خلفيته تكبيرت اصطباته
والمراتب جلد لكن لونهن من لونه=الله اكبر كيف نوره طورو لمباته
لونهن ابيض على ازرق لانظرت عيونه=لاقبست النور خطه بينت ذراته
خلو التكييف كامل في جميع ركونه=من بداية مركب السواق لامنهاته
وزودو تنك الوقودبتنك واحد دونه= والكفرات اربعه وثنينه اسبيراته
والرفارف قوسوهن شغلتن مضمونه= والخشم صار انسيابي واطعجو مثناته
جيب جي أكس آر والعالم معه مفتونه= لين صار الجيب فعلن كل رجل مناته
لين ربح شركته لوشركته مديونه= لا انعرض للبيع بالاسواق له بصماته
شركته تايوتا الي من الخطا مصيونه= يكفي ان الجيب تايوتا بحده ذاته
ورده عبداللطيف ثم زاد المونه= ثم حطه داخل الصاله بلا لوحاته
بالقزازه من يمين ملصقن كربونه= داخل الكربون سعر بدون تخفيضاته
و الزباين كلهم لاقربو يقرونه=كامل التفصيل باسعاره ومعلوماته
قيمته ميه وخمسين تبغى عونه= واهني منهو يجيه الشيك في مخباته
والله لو ماعندي الا قيمته مااخونه= لا خذه واقول قلبي تو جاه مناته
لو قعدت بدون زاد البيع لا تطرونه=مانبيع الي يوصل صاحبه منهاته
ياهل الاموال ليه الجيب ماتشرونه= اشهد ان الجيب مثل الطيب بفزعاته
صح عندي صعب لكن عندكم ياهونه=مالكينن قيمت الجيب وزياداته
لادعست البنصقم يهزلك بمتونه=تقل يرقص له على طبران في هزاته
ولا عطيته ترس صاح تقول به مجنونه= صيحت الي عند شيخ وحاشره بآياته
صح مثله يوم صاح اهل البلد يوحونه= ثم عود ون ونه كنها وناته
لو طلع صوت المكينه مايبيح كنونه= بس تشعر بالهوى يلعب على مراياته
قال شكمانه بلااي قزوزه الملعونه= قلت قزوزه وصلك الموت في حزاته
لو تحدى راعي الجيب لصابونه= علموني من يفوز ومن زعج وناته؟