اقتباس:
|
المشاركة الأصلية كتبت بواسطة سلمان بن خالد الردسا
تعالي نزرع البسمه على شاطي الامل والنور=تعالي نرسم الاحلام ونعيش احلى معانيها
تعالي نكتب ان الحب حياة مثبته بجذور=تعالي نحكي القصه على اكمل ثوانيها
تعالي انخبر الحاظر عن ماضي بنا مدثور=تعالي انعلم الدنيا عن اللي كان ماضيها
تعالي نصرخ بصوت من الحسره غدى مقصور=تعالي نردد الاهات عسى نسمع رجاويها
تعالي نفتح كتاب يسمى للعشق دستور=تعالي نقرى لحظات اتبكينا ونبكيها
تعالي واسمعي معيه ترى حرف الحزن مسطور=تعالي انعلم العشاق حكاية حب نخفيها
تعالي واجلسي بقربي ترى كاس الهنا مكسور=تعالي نجمع اشتاته عسى نقدر نسويها
تعالي خبري العذال عن الخافي عن المستور=تعالي قولي بصوتك مآسي خوف عشتيها
تعالي للشقا رحله عظيمه عشقها ممطور=تعالي نشرب اللهفه ونارد كل مضاميها
تعالي واطلقي خافق من اسباب الهوى مأسور=تعالي رجعي روح من النظره ملكتيها
تعالي واذكر انك فتنتيني وانا المسحور=تعالي واذكري ليله انا ماني بناسيها
تعالي واجرحي شعوري وقولي لي بدون شعور=تعالي باقبل اعذارك مدام انك ذكرتيها
تعالي لي انا احتجتك بصدقي صرت انا معذور=تعالي جربي احزان على طيفك الاقيها
تعالي حلمي اللي مات بدونك صار لي مهدور=تعالي يا امل نفس نسوها كل غواليها
تعالي انجدد اللي فات من اعمار تصير اقبور=تعالي انعيشها لحظه قبل مالموت ينهيها
تعالي قلبي بحبك من الفطره كذا مفطور=تعالي لاتخليني بدنيا مالي احد فيها
تعالي قبل مافيني براكين الغرام اتثور=تعالي قبل مايحرق سناها قلب غاليها
تعالي ماني بقايل لك احساس شبه مغرور=تعالي ماني بقايل ترى روحي جرحتيها
تعالي شوفي الحرمان لشخص بالهوى مجبور=تعالي شوفي اجروحه من اللي كان يدميها
تعالي يا أمل عمري قبل تذبل بقايا ازهور=تعالي حاولي مره من الآمال نسقيها
|
ما عندي شي اقوله
الا
انها عذبه كعذوبه سلمان الردسا
صح لسانك