بسم الله الرحمن الرحيم
..الشهود العواريف..
عديت رجـم ٍ مـن تضايـق عنـا لـه=واللـي تعلابـه مـن النـاس ماشيـف
يامرقـب ٍ يهتـا لبـه مـن رقـا لـه=بقصى الجنوب وهقوتي شفت انا طريف
ذكـر علـى قلـب العنـا مامضـالـه=وتكتنـي العبـره بـروس الشفاشيـف
وقمـت اتذكـر صاحـب ٍ ينشكـالـه=مـاودي ابـدي قصـتـي للملاقـيـف
ونوّخـت قلبـي للعنـا ليـن شـالـه=وصبرت كلّه خايف ٍ قـول يـا حيـف
وأزيـد حمـل القلـب وأثنـي حبالـه=ويصبر وأزوّد فوقه الحمـل وأضيـف
يامـا عجـز لا يشيـل مّمـا جرالـه=ثم إنحدربـي مـن رفيـع الشغانيـف
وصـار الزمـان يهومنـي بالعمـالـه=ويامـا تمنيّـت المحـل ينقلـب ريـف
ولا عاد قصـرك مـا تـذرّى ابجالـه=ياجتْك من قشـر الليّالـي عواصيـف
إرحـل ودوّر منـزل ٍ لــك بـدالـه=وش عاد لو مبنـاه زيـن الزخاريـف
أخيـر لـك قصـر ٍ بعـيـد تعنـالـه=من منزلك يالقـرم بيـن الخراصيـف
جرّبت أنـا وكثـر التجـارب دْلالـه=وسجلّت واقع رحلتي عقـب تجديـف
وعرفت أنا إن الشخـص خلّـه ريالـه=حسب رصيدالجيب حشمـه وتشريـف
وتبي الصحيح الصـدق شفتـه الحالـه=والناس ماتبغى الحقيقـه تبـى الزيـف
هـذا الـذي باالعيـن شافـت اقبـالـه=مما جرالـي مـن خطـاة المواقيـف
الحـق لامـن قيـل مثـل الجمـالـه=جمالـة ٍ فاقـت جميـع التواصـيـف
واللـي بعـد .واللـي مالـي ومالـه=احسن لي اقصـد بالغـزل والمواليـف
مـن خـوف قافـي لايـدور بـدالـه=اسبـاب شـي ٍ لاجـي ٍ باالسراجيـف
يفـرح بـه الهلبـاج ويظـى الحثالـه=واللـي كثيـر النقنقـه والسوالـيـف
رضيت باللي شفـت وجحـد خمالـه=ماكنـي الا خايـف ٍ شـذرة السيـف
يابديـت ماكنيـت مـاهـي جـزالـه=من عقب ماهـو بالضلـوع المهاديـف
يمكـن عليـك الغيـر ياخـذ وكـالـه=وتصير مابين القرايـب تقـل ضيـف
والشخص قالـو سمعتـه راس مالـه=وماعمرهم قالو تهيّـت علـى الكيـف
ولـي لابـة ٍ ياحـل طـاري مجالـه=منزالهـا فـي عاليـات المشـاريـف
ربعي هـل البلهـا اليـا صـار قالـه=دايم على الموت المصفـى مزاغيـف
ياتايـه ٍ باالعـلـم صـيـدك جهـالـه=بجايـده عـوق العـدا باالمراهـيـف
ربعـي يتامـا عـز منهـم خـوالـه=عدوهم عقب الطمـع ينّكـف امعيـف
الابـه الـلـي عاشقـيـن الشكـالـه=وياما حمـو جـل البكـار المشاعيـف
عدوهـم بالكـون عــزي الحـالـه=علـى حلالـه يلعبـون الغطـاريـف
ويتلـون شيـخ ٍ مـاشـي ٍ بالعـدالـه=ماهو مـن اللـي شيختـه بالتزاييـف
على امر (ابن شامان)فـي كـل حالـه=ورثـه ورثهـا والشهـود العواريـف
الشاعر / خلف سليمان البجيدي
صح لسانك وسلم بنانك يالغالي
ودمت بعزةً ومعزة على هذه الرائعه
اللتي أتحفتنا بها وبثوبها الجديد
الذي زهى الى الاروع والارقى
ولروعتها لم استطع أن أختار أبياتً مميزه منها
لانها كلها مميزه لم تحمل من أبياتً في الحكمه
تعجب كل من قراءها ولذلك نسختها كامله
دمت وسلمت
ودام صفاء طرحك الرائع
وتقبل فائق التقدير والاحترام