هكذا أتت أشكر كل من عانق متصفحي هذا
قريحة هاجسي
على ضوح القمر ومسامر النجمه طوال الليل=أسير وخطوتي تسبق طموحي وابتساماتي
اسامر طول ليلي واتحرى للجدي وسهيل=دوى ليل النجوم اللي عليها تايهٍ ياتي
اداري فرحتي واصدق واكذب هقوتي واميل = على جرحٍ خفي ماطاب وتزيده اعلاجاتي
على هم الفراق الملم جروحي واقول اشيل=همومٍ في خفوقي ماتحملها مساحاتي
وانا صبري جميل ولونفذ صبري يزيد الكيل=لكن اقول يارب العباد تعز وقفاتي
وانا صمتي حكايات وبطولات ودبيك الخيل=قريحة هاجسي نصري وتحكي بانتصاراتي
تضيق ارضي واهاجر واتنفس من ضفاف النيل = واعود لموطني واخذ من الغربه عباراتي
الحوراء بنت نجد > الرياض 1435 هـــ