قصيدة حاولت فيها أن أجمع أشهر شعراء بني وائل من عهد الشعر في العصر الجاهلي
مرورا ً بالعصر الإسلامي وإنتهاءً بالعصر الحالي حيث تسيد النبط وشعراء النبط الساحة
الشعرية ..
*ملاحظه :إضطررت لكتابة حرف الدْال بالجمع بين الدال وسكون فوقه
لتبدو كانها نقطه
ياشــجرة القاف الجزيل اللي عروقه غايرات=في جوف أرض الشعر وأمجاده ومعناه الثقيل
تمــايل عدْوقك وأنا شاعر تجادْبـــه الحــياة=ياخدْ من الدنيا حقوق ويطلب الرب الجليل
جيتك وأنا لي حق في طلعك ووقفاتي سرات=لادامني من نسل وايل باشفي الليـله غلــيل
حنا هل الشعر المــسمى والمنــابر شــاهدات=فالجاهلية كم لنا شاعر فـــحل ياهل الجزيــل
مـــعلقة طرفه وبن كلثوم فالكـــعبه ثبــــات=والثالثه للحارث ابن اليكشري شي يــهيل
ثلاث من ســبع لنــا باجلالــهن َ معـــلقات=في بيت رب البيت يوم ان القصايد سلسبيل
والتـــغلبي َعـــــدي هلهــل قافه بلــيَا وصـات=والحارث ابن عباد في شعره يجيب المستحيل
وميمون الأعشى الشاعر البكري عظيم المفردات=صــنَاجة العُرْب وعظيــم الســبك وابــياته دليل
ياكيف مانفخر ومجد الشعر لأجدادي عــبات=ودْولا بعَضْهُم والبقيَه مابهم شــاعر هزيــل
وفي عهد نور الشرع والإسلام والمشرك رفات=يحــفظ لــنا التــاريخ شــعار قوافيـــهم فتــيل
أبو فراس التغلــبي حمـــداني وشعــره فرات=شاعر ملك في انتهى شعر الملوك بلا عويل
وابا العــتاهي ابـــن قاســم دْم كــل الملـــهيات=زهد عن الشعر وغضب هارون لبحور الخلــيل
وابن المبارك عَمْرو وبن عصام عمران الدهات=يشهد بها تاريخ ابـن مروان ورجـــال القتيـــــل
ومنَا إمام السنَه وشـــاعر بديع الموعــظات=أحــمد ابن حنــبل نسل شـــيبان فكَاك الدخيل
والأخطل اللي شعره يجوب الديار المقفرات=يشـهد جرير وصاحـــبه للتغلبـــي بإنه قبيـــل
دْولا على الفصحى شموس فالكواكب فارقات=علـــى مجرَات الفصاحــه ضيَــهم شي جميل
ويوم إن غيَرنا الزمان وصار للشعبي سمات=جينا على الصابور فالقيفان مانــرضى بـــديل
قيفاننا تفرق على القيفان في كل الصفــات=والشاهد الله ثم علم حافظينه كـــل جيـــــل
للشعر شيخات ثلاثــه فالتــراث موثَــقات=ثلاثـــهن لوايــل اللــي باعــهم دايم طويل
مشعان ابن هدْال والنجدي عميل الكايـــدات=ومحمد الدسم السبيعي شيخته طب العلـــيل
وإن جيت أعدد من لنا يشدى النجوم الساهرات=بحلت في شــــعَارنا تعـــدادهم مـــالـه مـــثيل
لكــنْ نبــي نـــقدع ونـــشرب من دلال مهيَلات=قمقـــومهن واحـــد ولابــه شك ياراع الســـبيل
من يجــهل مـــحمد ابن لعبــون والــدنيا شتات=وابا الشيوخ ومحــسن الهـــزاني اللــي مايمــيل
وملــعب وســـعدون العواجــي والعلوم موكَــدات=وعقــاب وابن مهلــهل الشــعلان والمنكر هبــيل
ومـــريبد العـــدواني وســـاجر لـكــيد الــعاديــات=ورمــيح وبن معيــتق ومـحدى وســاكر مايـــعيـل
وغانــم ابن علــي اللمــيع اللـي يدْب النــايفــات=وجديــع ابن قــبلان وبن ســـمير والـوادي يسيل
ولازالــت بــيوت عــنزه تنجب فحول الراهـــيات=أهل الجزال اللي لهم بالـــســبك مـــنزال ومـــقيل
ويـــكفـي عن آخــرنا من الشعَار في كل الجهات=عـــبدالله العــبار ماغــصنه من الشـجره نــحـيل
تممــتها عن لابتــي وأسـكنــتها فـالعـــاليـــات=ونقــحتها بايديــن فكــري ليـن مابان الحصيل
بلـسان وايــل باقــرض الأبيات من دون التفات=وبافــخر على نجم الثريَا لين مايـــبرك شـــعيل
لــي لابــة للـــشعر هامــه في دواويــن الروات=وهم هامة الأفعال لاشــاشوا على لــمع الصــقيل
أجــل لـــنا حــق الفخر علــى ظهور المسرجات=تــفاخري يابـــياتـــنا لا دام مايــمدح بــخيـــل
الشاعر فيصل منصور الشن