السلام عليكم ورحمة الله وبركاته
الاخوة / الاخوات الاعزاء في منتديات شبكة الويلان العربيه
كل عام وانتم بخير
بعد غياب دام طويلا اتي اليكم وكلي شوق لمصافحتكم بهذه المتواضعه الجديده آملا من الله العلي القدير ان يوفق الجميع لما يحبه ويرضاه
سلة الحـلوى
يافرحة الاطفال لا ذاعوا العيد
ياسلة الحلوى وريح المباخر
ياريحة العطر المركز على الغيد
يالمنظر اللي يجمع احلى المفاخر
انا ترى شوقي مع العيد بيزيد
ياحلمي اللي في زماني تباخر
دموعكم فرحه وانا الحزن الاكيد
اللي دموعه مثل نضح البواخر
صبح المعايد حالي يزيد تعقيد
والليل يمضي بالسهر يالمشاخر
ليا ذكرت ايامنا والمواعيد
واحلى الهدايا خاتم وعطر فاخر
احاول اسلي ضميري بترديد
هذاك شي واليوم انا شي اخر
واليوم مر العيد دمع وتناهيد
من عقب كان الضحك واسلوب ساخر
خلاص يالعيد اقف عني وش يفيد
لا صار شوقي فيك جمر المباخر
ويافرحة الاطفال لا ذاعوا العيد
العيد فرحه عند مثلي تباخر
وسلامتكم جميع
محبكم
ابراهيم السلمي (صقر النوادر)