[محمد دعسان]

عمر المسافة ما تعوق المحبة
-- وأكبر دليل أني على بعدك أغليك

حبك ملك مكنون قلبي ولبّه
-- تلقى أشواقي لو تلفت حواليك

اليا داعي داعي المصلي لربه
-- أدعي عظيم الشأن ربي يخليك

أنا وصاتي ياحبيبي تنبّه
-- لاتنبهر بالغرب تنسى مباديك

احفظ ايمانك وسط قلبك وصبّه
--و احفظ فروض اللي من النار ينجيك

لاترافق المشبوه مثله تشبّه
-- أبعد محاري جرته عن مماشيك

أنت القطامي ماتجيك المسّبه
-- انت العديم اللى تفرح عوانيك

سرّك عميق وقافله وسط ضّبه
-- حتى صديقك يجهله لووثق فيك

من فوت النوماس بأول مشبّه
-- ترى يفوت الوقت ماعاد يمديك

عمر المسافة ما تعوق المحبة
--وأكبر دليل أني على بعدك أغليك
....
...
..
.
صح السانك قمه الصدق والجزاله
نثرتيهاء هنا
ياام نايف
الله يرد خالد لك سالم من كل مكروه
تقبلي مروري

الله يرعاك