مرحبا بالجميع وابيات بسيطة من الجديد
حي الغلا اللي جابك لحد بابي=حيه وحي رياح شوق تدزه
شوقٍ سطا بك ربع شوقٍ سطا بي=وعزي لمثلي ساطي الشوق هزه
ما ظن مابك ياالغضي مثل مابي=نحلت ومن اول مهابة و رزّة
عارفك صادق ماانت ناوي عذابي=وكم صادقٍ قامت ظروفه تلزه
الله يبيحك من خطاي وصوابي=بيرق غلانا كان انا مت رزه
مسموح مني ما ينالك عتابي=لو سيف حبك بالمحاني تكزه
دام الجفا ما سن روس الحرابي= جمر المفارق لعنبو من يوزه
انا رضيت الجرح باول شبابي=وعشت الحياة اثنين حب ومعزة
وانت الله الله لا يطول الغيابي=ان كان تخشى موت شخصٍ تعزه
وسلامتكم
وارجو من الاخوان في الادارة التنسيق ولهم جزيل الشكر