السلام عليكم
بعد غياب نطل عليكم ويعلم الله اني لم ادخل النت في اي منتدى الا هنا
واكثر تواجدي في تويتر
وحبيت اضع هذه القصيده لكم
صمتي وغيباتي عن الشعر حزٌات = أخذ نفس مثل (استراحة محارب )
والـ , يا دعاني هاجس الشعر مرات= اطغى و اسوي به جميع التجارب
على حسب مطلع جميع الخيارات = مدربه واصبح على الوضع دارب
احساس جاهز في جميع المهمات = سده قوي مايشبه الـ ؟ سد مارب
مرات يزهمني يقول ابغي اثبات = وافزع معه كنٌي من الكاس شارب
يثور بي تيار مثل المحيطات = اللي ما تمشيه السفن والقوارب
من جربه لا ثار يقول هيهات = إلا الصحيح اقمح يا سم العقارب
قالو ورى ما تشترك بالقنوات = وامدح وسب الناس والوضع خارب
قلت العفو ماحب مدح ومذمات = إلا على مدح اللحا والشوارب
اي والله امدح طيبين العلاقات = سوا من الاقصين وإلا الاقارب
وسلامتكم