بمناسبة ذكر البيعة لخادم الحرمين الشريفين مع تحياتي كل سنة ووطننا بألف خير
ليتك بطيئة يالليالي السريعه =لا صار أبو متعب يقود الطوابير
حاكم حفظ شعبه و شعبه يطيعه = سمع و طاعه ما بها اي تقصير
الحاكم العادل بحكم الشريعه = سبعة سنين وكلا أبوها تباشير
وسبعة سنابل ظاهرة بالطليعه = بفضل ربي يكثر الرزق والخير
بحكم النشامى والسدود المنيعه = حنا هل التوحيد وسلومنا غير
فديت شيخ ً ما تناسى الوديعه =أمانة ٍ عنده لقت كل تقدير
كافح فساد وسد باب الذريعه = والدين عدل وللشريعة معايير
يوم ان كل يفتخر في صنيعه = حنا هل المعروف مدادة المير
وشف الضواري والذياب المجيعه = مثل الضوامي يوم تبرك على البير
اهل وصال ولا نحب القطيعه = ونبني زوايا عن هبوب الأعاصير
نطاحة القالات لو هي فظيعه = والفعل يعرف بالليالي المعاسير
اهل الخيول الصافنات البديعه = وياحلو دور معسكرات المسامير
وعشق الصحاري والفجوج الوسيعه = يوم البداوه والسلف والمظاهير
الله وهبنا من كنوز الطبيعه = واغدق علينا بالذهب والدنانير
دعوة نبي محتفي به سميعه = أمن وأمان كل ساعه بتطوير
الامن حل و مات دور الخديعه = و الحمد للمعبود رب المقادير