السلام عليكم ورحمة الله وبركاته
مساء الخير والتقدير
والأحترام
للجميع
اعتذر عن تقصيري وعدم تواصلي الفتره الماضيه
ولكن للضروف احكام فأنا مقصر بدخولي للشبكه العنكبوتيه
اضافتآ الى ارتباطي بمواقع اخرى تربطني بأصحابها معرفه وعلاقه شخصيه
وكذلك شبكة ويلان فبينهم من هو ابن عم وفيهم من تربطني بهم علاقه وصداقه
ومعرفه افتخر بها فلذالك وجب الاعتذار عن التقصير
ابيات متواضعه اضعها امامكم واتمنى ان تنال وسام الاعجاب
,,,
ضيم الفقــــــــير
,,,,
,,,,,
,,,,,,
اللي فقد له شخص ياقو صبره
...................يصبر ولا يبغى العرب يكشفونه
وتبين في صوته من الحزن نبره
.....................ولايبي بعض العرب يسمعونه
يخاف هرجة شخص ماطال شبره
...................مايدري ان بعض المحبه مهونه
صدره حزين ولابس الحزن كبره
...................يمشي مع العالم ويخفي طعونه
حتى غدى لمقرد الناس عبره
............... وصارو مقاريد البشر ينصحونه
فج السماء صاير كبر خرم الابره
....................والناس مهما صار ماينفعونه
فراش نومه صايرن مثل قبره
...................لو ان حلو النوم فارق عيونه
يصبر عسى يلقى مع الوقت دبره
..................صبر الفقير اللي تضيمه ديونه
يحول عن بعض السواليف عبره
....................وحتى لو انه قال مايفهمونه
يصوغ شعره وازرق الدمع حبره
....................يمكن مع الايام تبرى طعونه
واللي فقد له شخص ياقو صبره
....................يصبر ولا يبغى العرب يكشفونه
يصبر ولا يبغى العرب يكشفونه
يصبر ولا يبغى العرب يكشفونه