يا راعي الجيب لاتداريه= تراه مصنوع براوي
الجيب حقه على راعيه= يبعد مماسيه صحراوي
عندي شهاده على ماضيه= انه مع البر كيفاوي
يبغاء الصّلف مايبي ترفيه= يبغاء قدم فيه ماتاوي
ليا سراء الساري اتسريه= والامشاءالصبح غبشاوي
شوف الشوارع ماهو باغيه= يبغاء خلاء خالي(ن) خاوي
بس ام سالم اتلولش فيه= من السماء للوطا تاوي
غير المكاشيت لاتمشيه= خلّه موقّف ومتساوي
خلّه موقف وعفشه فيه= كانك على تلّته ناوي
الشاعر ابو عطالله
هذه القصيده ارسلها لي الاخ ابو عطالله عن طريق الجوال وقمت بهذه المجاراه البسيطه
حي البناخي على طاريه =رجل ٍعلى المرجله حاوي
عاش الموجه على التوجيه=خبرة عمر يروي الراوي
كم ليلة ٍ كلها ساريه=الياما عوى دونه العاوي
واصبح إبرّ ٍ قبل ناويه=بعيد عن مدهل الشاوي
أرض ٍ خلا والمطر مسقيه=تجوز للي لها هاوي
وفنجال بنّ ٍ بها تسويه=لعماس فكر الفتى يداوي
ورجم ٍ طويل ٍ بها تعديه=مايعادله فوز نصراوي
عكف المخالب توقع فيه=ولا داج بأطرافه الواوي
الشاعر راعي الجدعاء
قصيده لي ومجاراه من الشاعر /زاهي بنان /ابو مياح 0