اقتباس:
المشاركة الأصلية كتبت بواسطة سعود راجي الفريح 
السلام عليكم ورحمة الله
جديدي بالمناسبات 0
على زواج ابن عمي00 خالد سالم الجعفري العنزي
لعيون خالد وابو خالد يوم كلمني حمد=انوخ الجزله واثنيها واحط اشدادها
جيتك وجبت الجزل ياخالد على حسب الوعد=ولولا الغلا ماجيت للحفله على ميعادها
ولو مايجملني قصيدي ماكتبته للابد=الناقصه ياالله لاتبيض وجه قصادها
اليادعوني لابتي لبيه ياوجيه السعد=اترك صبين لابته عن الطلب مافادها
عن جيت اهل الطيب والنوماس ماليه مصد=اللابه اللي عزها المولى بطيب امجادها
عيال عايد يحتمى الميقاف والحبل انعقد=نطاحت الكايد زحول القوم وقت عنادها
ربعي حمات الذود ياقام المعادي او قعد= مقدام لعيال المضوي بالفعل وسيادها
لهم سنام المجد وركونه مكانن معتمد=مثل الجبال الشامخات النايفه ببلادها
يوم الزمان الشين والجوع المحقق والنكد=بيوتهم مدهال والضيفان يوجد زادها
الطيبه يتعب عليها العود ويوصى الولد=ويبقى سندها والعلوم الطيبات سنادها
ضواويه يستأدب النشاد عنهم يانشد=أسود غابه والمعادي مايقرب مادها
هذي فعول اللابه اللي فعلها مثل السند=لاتجحد اهل الطيب والنوماس ياجحادها
شاعرنا القدير
سعود الراااجي
( أبا فيصل )
صح لسانك مليارات والف نعم بالمادح والممدوح هم يستحقون وأنت ماقصرت
بيض الله وجهك ولاغرابه أنت شاعر الجزاله والإبداع والتميز
دائما ً مجمل وفي كل المناسبات وأنت فخر لنا كلنا
يا أبا فيصل بارك الله فيك وأطال الله بأيامك
وشهادتي فيك مجروحه لاشك
ولكن الصحيح يقال
أكرر صح لسانك وبيض الله وجهك
لك مني أجمل تحيه