اقتباس:
المشاركة الأصلية كتبت بواسطة معيض بن عريفج
حبايب قلبي الجميع اليوم صار موقف مضحك ومبكي بنفس الوقت بين شخصين الكل منهم مصر على انه لازم ينفذ كلامه والامر تافه جداً وصار فيه احتدام بالموقف وكلهم غلطانين ههههههههههههههه
ومن الصدف انني حضرة الموقف بدون مقدمات ولالي علاقه بالموضوع اللهم اني من ضمن المشاهدين المهم انني تركتهم وجيت مدحدر على سيارتي رايح البيت وعاد تخبرون الواحد لحاله نوب يهيجن ويخربط
هيجنت وخربطت وضحكت على حالي وقلت هالبويتات وابيكم تضحكون معي عليهن امل ان تحوز على رضاكم ولكم تحياتي
ياليت لخبول المخاليق دكتور = متخصص(ن)لآهل العيا والعواجه
ويحط مستشفى وطبيب برفيسور = ومكمل(ن)جاهز بكل احتياجة
وقلب العقاب يحطه بصدر عصفور = ويزرع جناحين القطاء ف الدجاجه
ويدخل افضل مخ في هامة الثور = وعلى الذكا والطيب يضبط مزاجة
تلقاء على بابه من الناس جمهور = كل(ن)معه خبله يدور يدور علاجه
ويصير كل الكون عقبان وصقور = ويتلف وهو بالعش بيض الزراجه
وان صار لي خبل(ن)وانا فيه مجبور = ادفع تكاليفه على كل حاجه
ويطلع رجل حكمه ومبدى ودستور = مانبتلش بالعلم يوم نتواجه
ولو يتحسن مانبيه برفيسور = نبيه يعرف في حياته خراجه
|
معيض بن عريفج
صح السانك ملايين ولايكفون
صح السانك حتى ترضى
صح السانك على كل حرف كتبته
تسلم يمينك على هالقصيده الجزله من شاعر جزل
أخي وشي علامات الخبال أنا نوب النقد على نفسي
وأشك أن معي نسبه بس ما هي واجد ههههههههههههاي
المثل يقول لولا أختلاف الأنظار لا بارت السلع
ولولا الخبل ما بان عكسه من الرجال
ولولا البخيل ما بان الكريم ولولا الجبان ما بان الشجيع
ولولا الكذوب ما بان الصدوق ولولا الخاين ما بان الأمين
ولولا الردي ما بان الطيب ولولا قليل الدين ما بان الملتزم.........الخ
بيض الله وجهك على هذه الرائعه
لك مني جزيل الشكر والتقدير