اقتباس:
المشاركة الأصلية كتبت بواسطة سراب نجد 
بسم الله الرحمن الرحيم
السلام عليكم ورحمة الله وبركاته
أضع بين يديكم هذه المتواضعه
************
مالي ومال مروج الكذب والزور *** جعله على فاله قرينه يزره
نفسي عزيزه ما لها بكل مغرور *** وأنقد على شخصاً أسلوبه تغره
ياللي تلف أنصحك لا تلف وتدور *** عكس الحقيقه ما بها لك مسره
خلك صريح العلم واتكون مسرور *** لو الحقيقه بعض الأحيان مره
الشور مني جاك كان تقبل الشور *** طهر ضميرك لا تكن المضره
ترى البشر مثلك لها أحساس وشعور *** دار المشاعر والبشر لا تضره
حذراك عن ما كان يكره ومحضور *** وخل النظر مرفوع صوب المجره
وأن كان ما تدري بك عيوب وقصور *** ولا يختفي ما صار لو كان ذره
والكامل الله خالق الكون والنور *** عالم خفايا الناس خيره وشره
أخوكم / سراب نجد
خلك صريح العلم واتكون مسرور *** لو الحقيقه بعض الأحيان مره
الله عليك يبناخي شاعر مميز ولله درك وقصيدة وافيه ياذيب وياريت تكون صريح مثل قصائدك
وتقول اسمك حرام قصائدك المميزه تكون تحت اسم مستعار 
محبك
عبدالواحد بن غريب بن فرحان بن صالح بن عبيد بن مظهور العبدلي العنزي
ابوغريب العبدلي
دولة قطر