اقتباس:
المشاركة الأصلية كتبت بواسطة ام فيصل 
مصافحه بعد غياب اتمنى ان ترتقي للذائقه
قبلت كف القصيد وراسه الغالي=يوم القوافي زهت لي في معانيها
لو الشعر شيخ كان ادعمه بالمالي=والبسه بشت للشورى يحليها
لانه عرف علتي واستوطن امالي=ومن وين مادور احروفه الاقيها
البارحه نجد شالت معي موالي =وغنت على دمعتي اعذب اغانيها
اراقب النجم ليمنه غدى عالي =وبوادرالصبح بانت في تجليها
غابت جميع البشر لاصوت لاوالي=وحل الهدؤ وتبد في نواحيها
طريت لي ونت متواجدعلى بالي=وشلون تطري لروحي يامعنيها
معك جميع العذاب المر يحلالي =واصل الحكايه بدايه معك ابنهيها
لانك ملكت الغرام من اول وتالي=وسلبت روحي من الدنيا ومانيها
كنت اجهل العشق ليمن شفتك قبالي=والروح ساقت على وصلك خطاويها
ومن دون اعذار او توضيح الاحوالي=هدمت قصر المحبه مع مبانيها
وتركت وسط الضماير جرحك الصالي=وذابت عروق الخفوق اللي يصاليها
لاماتمنيت غير المرقب العالي =بزعج من الوجد اهاتن وادويها
واصيح صيحة غلا واقول يالغالي =وش حاجتي في ديارن مانت راعيها
مجنون قلبي وبعدك زود هبالي=يحب الاطلال ويسامر لياليها
كبرت احبك اليمن كبرو عيالي=محبتن بالحنايا دوم اخفيها
على الشرف مارتفع عن وجنتي شالي=ولابان رمش العيون الي تبكيها
كنا وكانت سوالف مالها تالي=سنين مرت ونا بالكاد اعديها
الشاعره المتالقه دائما ً
أم فيصل
ما أجمل الغياب الذي يأتي بمثل هذه الفاخره
صح لسانك مليون ولايسدون إبداع بلا حدود وشاعريه فذه
ولاهو غريب عليك ذلك عودتينا أيها الشاعره الراقيه على الإبداع دائما ً
أكرر صح لسانك مليارات يا هرم الشعر ونبراس الإبداع
تحيه لشخصك الكريم