[بنت الكحيلا]

اقتباس:
المشاركة الأصلية كتبت بواسطة حشر الغضيان

اتمنى تحوز على رضاكم

عبارات الامل
.
.
.

كيف ولماذا بالتعجب وياليت=فيها التفاني والشقاء والهقاوي
أجمل عبارات الأمل داخل البيت=تكتب شعوري لا ذكرت النداوي
كتبت من زين المعاني وخليت=الشعر يسرح في خيال الهواوي
بكيت من نار بجوفي ولا أبكيت=ألا الذي طاله من العشق طاوي
اللي عرف كل الخفايا لو أبديت=غير الصحيح وقلت مابي بلاوي
وأخذت أنا جذع المشاعر وهّزيت=ودي تساقط في ضمير الحياوي
أحلى تعابير(ن) بها أصبحت وأمسيت=يهمس بها اللي والضمير متساوي
كم ليلة فيها مشيت وتعنيت =أتعبت رجلي ماحسبت الخطاوي
وكم ليلة فيها سريت وأسّريت =وأخلصت للوافي صدوق الدعاوي
وكم ليلة فيها جلست وتمنيت=في حالة تشبه وحيداً(ن) جلاوي
ان الولايف تجتمع في ذرا البيت=هي أمنيه والصدر ماكر مناوي
ويالايمي لو تعرف الحال صديت =وتقفي عن اللي ماله ألا الرجاوي
.
.
حشر الغضيان (عمرالزمن) 6/2/1433هـ

ابدعت اخوي حشر الغضيان

وصح لسانك على هذا النص المميز

وهو لا يستغرب من شاعر قدير

تسلم ويسلم بوحك الراقي والجميل

لك كل الشكر