قالوا ربيع ومنظره ينعش الـروح
لاداعبت ريـح النسايم غصـونه
قلت الربيع بعين ابو بال مشروح
الصاحب اللـي غافلاتٍ عيـونه
ماهو بمثل اللي حياته على لـوح
يلعب بها مـوجٍ عنيفٍ جنـونه
ودربه شقا مابه تباشـير وفروح
ودنياه تسخر منه ماهي حنـونه
وانتم لكم صدر الزمن دوم مفتوح
يمشي لكم دايـم على ماتبونـه
وارواحكم ماجربت لوعة النـوح
والدمع ماتدرون وش لون لونه
الفرق واضح بين رايق ومجروح
وبين السعيد ومن ظروفه تخونه