اقتباس:
المشاركة الأصلية كتبت بواسطة محمد لطيف
اليكم مع التحيه
يالذيب برق في سما خاطري لاح =تخاطفه بين المزون المراويح
سيله على عوج المحاني أليا طاح=ينحت ضلوعه لين عادت صلافيح
قلت ارفقي يامزنة الشعر بالراح=روفي بحالي ياجروح المجاريح
الشعر بحر يعشقه كل سباح=وفي غبته ضاعت فنون السوابيح
وللحظ في دولاب الايام مفتاح=في عالم كثرة عليه المفاتيح
وانا لقيت العلم في بيت الأشباح =اللي على جاله تحوم النوابيح
حديقته فيها ثمانين تمساح=وباطرافها سور وحديد ومراجيح
فيها ثمر حنضل على غصن تفاح=وقيصومها عرفج ونعناعها شيح
في ركنها الايسر زغاريد وصياح=وفي ركنها الايمن تلاوه وتسبيح
وعود حياته كلها كفاح بكفاح=يقوم من صكات الايام ويطيح
له مع هل الفتنه مشاوير ونطاح=واشوفها كثرت عليه النواطيح
ماهو بجايز لي ولاني بمرتاح =والوضع يبغى يافتى الجود تصحيح
ان جيت ابفزع دونه سيوف ورماح=دونه عبيد بالملاقى ذوابيح
وان جيت ابقفي هاجس المرجله صاح=وانا ولد ذيك الوجيه المفاليح
قلت اكتب الكلمه على خف وجناح=يمكن مع الايام تسري به الريح
خبري بكم يالذيب صاحي ولماح=وخبري ببعض الناس يامسندي ميح
محمد لطيف العنزي
|
بصراحة اخوي محمد لطيف :
منذ زمن تركت اقتباس القصائد في الردود فقد كنت اقتبس ما يشد انتباهي فقط واليوم اقتبست كافة القصيدة لأنها كلها شدت انتباهي ..
درر مترابطة ومعاني متسلسلة وقالب جميل وقافية حائية تنسكب انسكابا داخل الاذن ..
لله درك ولو أردت ان اعبر عن اعجابي بالنص لطال الكلام ولكن يكفي من القلادة ما أحاط بالعنق ..
شكرا جزيلا يا مبدع ..