مسيتم بلخير
شخباركم شخبار حبايبكم وخلانكم
كيف الأجواء عندكم
بلنسبة لنا ياهل الرياض شكل مابوه شتاء الجو يثلج الصدر شحلاته
اهل الدوامات كيفكم مع دواماتكم عساكم مرتاحين وعسى ماعندكم مدير مريض بمرض العظمة
امس الله يسلمكم
كنت بيت ابوي ومتقابلين وامي تحجالنا احجيه
الصدق رجعتن ال13عام ايام ماكنا نقول حجاوي وقصص قبل النوم
المهم
من ضمن الحسي الي دار مادار
قالت لنا سالفتن تهبل يمكن اكثركم مايعرفها
هذا الله يسلمكم بعضهم صار يقول ذا السالفة عياره
يعني الرجل الذكي الي بلاه الله بحرمتن خبله يعايرها فيها
عاد انا قلت يقولها لكم
هذا الله يسلم متابعين ركني الزاحف
يقولون انه بوه رجال مزعلن حرمته والحرمه سن عقلها بوه رقله
طردها من بيت الشعر وراحت عند القبور تبسي وتون
وهي تندب حضها العاثر الي رمها عندوه مافطنت غير لحظة ماحطت الناقة خشتها على راس بطلتنا
مسكت رسنها وهي تقول
علشانس يم النوق برجع
فتح الرجال عيونه الا حرمته واقفتن على راسه
عاد هي بادرة على طول والله يلولا ام النوق ماشفت وجهي
المهم قال لها انسبي يالخبله بخاطرن شين
وهي ترقد عند وراعينها
وطلع يشوف ام النوق المذكوره
الا عليها خرج فتح الخرج وحصل داخله كيس ذهب من الفرحه رجع للحرمه
يتحبحبها يفلانه والله انتي راس مالي ام عيالي هب ياسذبوه سذباه
ونشدها وين لقيتي الناقة
قالت جتني عند القبور شافتني ابسي وراضتني
سكت وهي نامت
تناصف اليل ويشمر عن سواعده ويذبح الناقة ويبرد الحم ويخبي الذهب
على فكره ترى الحرمه ماتدري عن الذهب
المهم ويصحيها
فلانه يافلانه يافلانه
وتصحى
قال قومي شوفي السمى
تمطر
كروش ومروش وقصابينن حاره
والناس كلن ينهب من عنده قومي وزي الي كسبته لنا
قامت وخبت اللحم
بعد ثلاث ايام يصيح بنزلهم فرسان
يمنهو عين لنا ناقة الفلان
عليها خرج مليان ذهب
رجلها كان واقف عندهم يحسي معهم
هي كانت تروق البيت يوم شافتهم
قالت
هين هين يراعي الفرس
اني شفت ناقتكم
رجلها قال لهم تراهي مجنونه مير ماصدقوه
راحولها
قالو وين شفتيها
قالت يايابه سنت عند القبور وابجي وجتني ام النوق ورضتني ورجعتني لبيتي
قالولها متى اي ليله
قالت يوال يايابه ليلة ماكانت
السمى تمطر
كروش ومروش وقصابينن حاره
يوم شافو حسيها اكدو سالفت الرجال انها حرمتن مجنونه
وراحو يتعوضون الله بخسارت ابن فلان
الرجال طلع ذكي وقالها سالفت الكروش علشان خابرن حرمته