[سعود راجي الفريح]

اقتباس:
المشاركة الأصلية كتبت بواسطة سعد النفج
مدخل:


يا حروف الحزن بي جرح ٍ عميق
.............. حطم الآمال و جسور الوفا
اكتبيني بين حزن و بين ضيق
............. و اشرحي للناس وش معنى الجفا
ما لقيت لـ بسمتى لو هو طريق
............. يفتح آمال الحياه ليـا لـــفا
جيت لك و انا من اوهامي غريق
.............. و الزمن ما يوم لعيوني صفا
لا زفير يجاهده و لا شهيق
................ غير دمع ٍ من سواتك ما غفا


عمق ..

غاب الحزين اللي نثر دمعة الصمت
و استوطن بدار الألم و الكآبه

هذي نهاية رحلتي دامي أُرغمت
على الجواب و هذي انسب اجابه

لأني هويت و بالنهايه تألمت
و اتعبت نفسي بالرجا و الكتابه

على كثر ما صار لي ما تعلمت
الله يسامح من كسرني غيابه

اكذب اذا قلت اربع ايام ما نمت
لا والله الا نمت بس بغرابه

انام و اصحي و ان تعب خافقي قمت
اعاف نومي ثم اطارد سرابه

شفته هنا .. لا والله الا توهمت
لا ! ما اتوهم .. فيه حالة تشااابه

معي معي حتى لو اني تحلمت
القاه قدامي مسوي رقابه

ليته يشاهدني بعينه اذا نمت
ما كان عرضني شقاه و عذابه

فرقاه صعب و من رحل ما تبسمت
يسرق بقايا بسمتي باغترابه

منحته حروف الغلا ما تندمت
و لا زلت بين مفارقه و الرجا به

.

مخرج :


سيف الحزن يقطع من اوراق الافراح
............... و الضيق يزرع بذرته وسط روحـي
يا هيه حزني غير و صياحي صياح
............. دمعي نزل و استنزفتنـي جروحـي
مافات راح و لكن الجـرح مـا راح
............. باقي بقلبـي لـو تجاهلـت نوحـي

صح لسانك الشاعرشاعرنا بمعنى صح العملاق
دائم// سعد النفج
عزالله انك مبدع بلا حدود
وتسلم وبيض الله وجهك
سجل اعجابي