اقتباس: المشاركة الأصلية كتبت بواسطة بدرفهد الجعفري حي الله ابو غريب العبدلي ياخوي انت وش سالفتك مع العضويات والاسماء المستعاره ومدري ايش ههههههه يارجل انت اكبر من هالامور الي تقرقع ببطنك وذبحت نفسك بها وذبحتنا معك بعد ! بصراحه يابو غريب انت كبير بعيني لديك حميه وصاحب موقع للقبيله نفتخر به , ياليت تركد شوي واترك عنك هالامور اللي يبي يدخل بعضويه ثانيه حمله على نفسه التعب عليه , واللي يغلط ويخطي اكيد ادارة اي منتدى ماراح تسمح له واذا الواحد يبي يشارك بأكثر من عضويه فالتعب عليه اذا ماغلط على احد ان شاء الله يشارك بـ100 عضويه يابو غريب والله ونصيحة اخويه انت عندك مشكله ويجب ان تبحث لها عن حل انها مرض "" الشك "" لاتفكر الناس اغبياء هنا ! الكل يعرف ان كل مواضيعك هنا ناتجه عن شيء بنفسك , نعم انها ناتجه من شك بس هالشك بمن الله واعلم ! والله يستر لايكون في كل العالم لان المريض بالشك ممكن حتى يشك بنفسه . ابو غريب من راقب الناس مات كمدا اخوي ابو غريب نصيحه من اخ عش يومك واترك عنك الناس واذا اخطاء عليك احد وقفه عند حده واذا ماتعرفه خاطب ادارة المنتدى اللي انت فيه سواء هذا المنتدى او غيره وتاكد انهم سوف يوقفونه عند حده ولن يرضون ان احد يسيء لا لك ولا لغيرك . واذا ماشفت من ادارة المنتدى تعاون اسحب على المنتدى كله وريح راسك ! اما عن الجائزه فأنا ما ابيها ولن اتعب راسي وابحث في امور لاتهمني بشيء وش لي بالعالم !! ياحبي لك يابو غريب والله انك كبير بعيني ولك عندي قدر كبير .. طلبتك حافظ على صورتك كبيره كما تخيلتها وسلامتك حياك الله اخوي بدر كيف حالك يالغالي لاحظ معاي التحديد بالون الاحمر اولا ذكرت عبارات غريبة شوي تقرقع ببطنك الخ بعدين ذكرت ان الاداره لاتسمح لحد ان يغلط على احد وهنا انا استحي اقولك هالكلام هذا يابدر وبعدها ذكرت الشك والشك في نفسك الخ واعتقد هذا الكلام اي عضو لايرضى به واعتقد الاداره لاترضى بهذا لكن يابعدي اشكرك مع كل هذا ورد العبدلي يابعدي حيي موضوعي عادي جدا عن الاسماء المستعاره وانا هنا اتكلم عن الاسماء المستعاره بشكل عام وليس موقع معين وللعلم انا باحث في شؤن المنتديات وعندي كتاب قريب سوف ينزل اسمه المنتديات وتأثيرها على المجتمع وتاكد استفيد من اي يرد يوصلني كان ايجابي او سلبي واشكرك على وجهة نظرك مع ملاحظتي عن بعض الالفاظ يابعدي واخيرا من واقع تجربه لاتكتب رد وانت منفعل ولاتتخيل الصوره لان ردك ضيع ملامح الصوره تقديري لك ياخوي
سبحان الله وبحمده والله اكبر