بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
هذه القصيده وجهتها الى الشاعر القدير عايض بن جدعان الحربي
ياهجوسي لادعيتك للمواقيف الصعاب = حضري والشعر ديوان العرب ولسانها
انتقي جزل القصايد والمعاني والاداب =اطربي جمهور شعري في رحى ميدانها
كل بيت من البيوت ليا كتبته سد باب = الجزاله في قصيدي مابخصت اثمانها
مير ياشبل الحروب اليا دعيتك للجواب = السؤال ابلغ من الجابه ومن ميزانها
وانت من روس الرجال اهل الوفاء واهل الصواب = حرب حرابته دول تشهد جميع ازمانها
ماعليك قصور ياعايض وطاب الفال طاب = القصايد من طرفكم نطرب لقيفانها
انتم اهل الشعر بالميدان وافين النصاب = يالحروب اصحابنا والخيل من فرسانها
مادعيتك لجل اصفي معك يالطيب حسااب = غير تعجبني طروقك لابدعت الحانها