[عوض بن خميس]

اطعن بحد العيون السـود مـن قـدك ..............ان كان لك دين خـل العيـن تستافـي ماهو غريـبٍ عليـك ولا علـى ودك ................كثرت في الطعـون ورحـت متعافـي تاخـذك الايـام وتوديـك وتـردك ................يخونك الوقت وتعـود علـي الوافـي ياطول ركضي وراك وياكثـر صـدك ...............ماكنك اللي سلبـت العقـل ياكافـي محلك القلب كـان ان الغـلا شـدك ................من غفلة الشوق صح النـوم ياغافـي اخر علومك يقولـون الجفـا حـدك ..............وشلون دليت درب الوصـل ياجافـي هذي هي اوراق شعري تحتـري نـدك .............من غيبتك والدفاتـر بيـض وعجافـي كانك علي الشوفه اللي شفت من جدك ..............يا كبر فرحتك لو تدري عـن الخافـي تاكد ان المشاعـر مـا تقـف ضـدك .............لا خانها البرد ترجي صوتـك الدافـي لو راح بي جزر غيـرك جابنـي مـدك ............لا هب طاريـك بشراعـي ومجدافـي تشوقني لا لبست مـن الوفـا قـدك ..........مالي عذر عن وفـاك وزينـك الصافـي الليل قطعت سواد ولا كسـا خـدك ..........والشمس ما غيرت من ليلـك الضافـي