عسى السحاب ليا غدا له روافيد =على ثرى عمان مزنه يميعة
قبرا حوى ثامر سقته الرواعيد = عليه من طش الغوادي نقيعة
على ضريحا عز عن ساير البيد= خلوا به ابن مهيد وسطه ضجيعة
خلوا فتى وايل سليل الاماجيد = حفيد مقحم كل مقحم جميعه
علما بكت منه كهولا ورى فيد = والناعي اللي جاب علمه يذيعه
والفقد لو هو بالعشيرة ضنا عبيد = الحزن خيم في طوارف ربيعة
عليك يا ثامر على اجدادك الصيد = ريف العرب يوم السنين المجيعة
بيت الندى لا قيل وين الاجاويد = بغربيتا هبت هواها صقيعه
شدوا مضيفا شامخا كنه الحيد = باللي يصوت بالجفان الدسيعة
من غير نسف الحيل جزر المفاريد = عن العرب راحوا بها بالطليعة
بهاك السنين الموغلات السراميد = قبل ظهور النفط بيره وبيعة
تنحرهم العربان مثل المواريد = جاش الفرات اللي غروبة وسيعة
اللي ورى الشطين والعلم توكيد = قادوا جيوشا بين عصبة وشيعة
بحاكم اللي يوم صفق البواريد = يرسل خيوله بين قرية وضيعة
تتليه دقلات الرجال الصناديد = الثاير اللي ما يوصف صنيعة
ليا تناخوا صار للولد ترديد = وقضي الفشق سلوا سيوفا لميعة
قولا على بيض الصحايف وتخليد = باللي تعلوا بالجدود الرفيعة