اقتباس:
|
المشاركة الأصلية كتبت بواسطة مطلق النومسي
صباح الخير
أعوذ بك ربي إمن الحسد والغيرة= وأدعوك تعمي .. عيون اللي يحسدوني
وألوذ بك عن مقام النقص والعيرة =أو طيحتي عند ناسِِ ما يدانوني
عبدك .. تعصــّم بحبلك .. يالله الخيرة = رزقـــك .. ومــدّ تك .. والماعون .. ماعوني
وش دخــّل الناس .. بالغصن وعصافيره =والله يلوم اللي بـ هذي يلوموني
يا ناس للجار دم .. وللدمي جيرة = وللشاعر أبعاد بالشعر الماراثوني
وأنا أكثر اللي يثير الشعر ويثيره = وأنا أول اللي ليا عــدوا يعدوني
مبطي وأنا مطبــّـق الشعر بحذافيره = قدام در الحليب ينبــّـت سنوني
أهتم بالشعر وأهتم بجماهيره =والساحة (وشد وأقطع) ما يهموني
أطلع على متن مطلق ما أطلع بغيره =يا عل كل المتون فداك يا متوني
أخذت ما قلت من جمهور هالديرة=اللي سمعوني قبل حتي يشوفوني
وأنا لهم جيت جيــّـة قومِِ مغيره =نجدية الفعل .. والتخطيط صهيوني
ما جيت مســّاح جوخ بضرب تأشيره = ولا قلت يا ناس شيلوني وحطوني
جيت أطرد الرجس واكسرمزاميره= وأحطم آمال كل اللي يعادوني
أنا هنــا .. يعني إكتب مبتدا السيرة =وعلــّم بها اللي هنيــّا ما يعرفوني
أني أنا اللي يحشم الشعـر ويجيره =والساحة (وشد واقطع) ما يهموني
|
لكل شاعر اسلوبه في الشعر
ولمطلق النومسي لونه واسلوبه الذي يصعب على الكثيرين تقليده
جزل وربي جزل يابو فهد
اعجابي حتى اخر قطرات بحرك اللامنتهي
لك حبي
تحياتي لك