السلام عليكم
اعزائي اعضاء منتدى ويلان
هذي اول مشاركة من قصائدي
عسى تعجبكم وتنول اعجابكم
قامت تلامع في سما فكري بروق=وصفقت بالكفين يد(ن) على يد
والصدر ضاق من الهوى صار محروق=واللي حرقني جرحها زاد واشتد
وانفاس مكتومة على صدر مخنوق=واقوم من ربعي عن الضحكة انلد
على غياب اللي انا انساق له سوق=اللي لها كل الغلا صافي بجد
اللي رفعت بحبها عالي(ن) فوق=وهي ارفعتني بالغلا طافت الحد
اللي لها فيني جبال(ن) من الشوق=وفياض وبحور(ن) تلاطم وتنرد
فيها من الوردة حلا خدودها الفوق=الا هي الوردة تبي تشبه الخد
كنه جمال البحر لا شفته اروق=خذت سكونة من سكونه عن المد
وعيونها اللي تسحب الرمش برفوق=لاطالع لواحد وهو واقف انهد
الليل بعيونه وفي وجهه شروق=وشعر سوادة كاسي(ن) قدها قد
زين الطبيعة ما تجيبه من السوق=وانفاسها ازكى واجمل من الند
وشلون ما اغليها وانا انسان مخلوق=من شافت اعيوني فلا اغظي ولا اصد
حبيتها فيها عن العالم فروق=لو احسب فرقه وش اعد لا اعد
وجتنا ظروف(ن) جابت لوصلنا عوق=في دربنا نمشي واثر اخره سد
كني وحيد بعدها وسط صندوق=بجافي ايامي وبعلن لها الصد
اوالله لوفي له برب الملا فوق=وطبع الوفا فيني ورثته عن الجد
والله لاصبر لين ما نفخت البوق=لاصار عداد التنازل بدا يعد
لاصار فارقته وانا غارق شوق=والله ليبقى الشوق ويبقى له الود