[المسيكي]

سلام عليكم ورحمه الله




ومسيتم بالخير /صبحتم بالخير جميع

،،،،،،،،،،،،،،،،،،،،،،،،،،

يابنت أنا ماصرت للخلق صفوه = ولاني على الهزلات يابنت عايش
بوضح النقا لفيت ماجيت خفوه = ولاني من اللي دروبهم بالغشايش
أصلي هو أصلك مابه أيّات لفوه = صافي صفا معروف مابه خشايش
ولا عمر شربي بالملا صار قفوه = متقـدّم ولا همّــني كل نايش
والطيب طيب ولاتردّيه هفوه = ولا كل رجل ٍ للجزالات حايش
جيتك وقلبي مبيّن ٍ فيك رفوه = عقب الدلَه أشوفه اليوم طايش
أيقـظـتي قـلبي عقـب نومه وغفوه = وفتحتي وسطه واسعات الدرايش
ورحتي وجفيتي ولكن أيّات جفوه = خليتي قلبي ســارح ٍ له امرايش
ولا ألوم أنا وهـذا الـزمن بان سفوه = وشفت الخيانه نشّها له نشايش
هذا الزمن أبـدى لها اليوم عفوه = واللي وفـا اموقـّــفه بالقـرايش
واحذرك ثم احذرك يابنت حفوه = أريِه يقـلب بيـن لمح الرمايش
لايخدعك وإن شفتي أوقات دفوه = لابد تاتي أوقات فيها عكايش
لو قرّ فيك يجيك لابـد نفوه = شنف ٍ اسنونه مثل بعض الهوايش
وميّ البحر لايعجبك بعض طـفوه =أري فوقه تشوفين طفح الولايش
ولايعجبك وإن شفتي اكنوز ضفوه =يـامـا غـدابـه مـن غـدا مـن قـشـايش
ويبقى الوفا يابنت من صار كفوه ؟= شتّان بين الكيف وبين الغرايش

وسلاااااااااامتكم


فهد المسيكي