اقتباس:
المشاركة الأصلية كتبت بواسطة غموض الشمال
ودعـت سكاكا وكــل أرض ٍ شمالـيـه
مستقبلـي حـدّنـي عنـهـا ومشّـانـي
.
ودعــت سكاكا شمالـيـه وقبـلـيـه
ودعت (اهلي) ( بعـد حيـي ) وحيانـي
.
( أرض الشمال ) والله انـه ماخلـق زيّـه
والله مامثلهـا يـانـاس شــي ثـانـي
.
ماهزنـي غيـر دمـع ٍ يـطـري الجـيّـه
(أمي) و (أبوي) و (دموع أهلي) و (خلاّني)
أشتقـت ل( أمـي ) أشوفـه كـل عصريّـه
بالبـاب تاقـف تحـرّى رجعـة أخوانـي
.
أشتقـت لــدْلال ( أبــوي ) الله ياهـيّـه
( ابو ..... ) مزبـن المضيـوم والعانـي
.
أشتقـت ( لخوانــــــــــــي ) الشقرديّـه
أشتقـت لعـيـال حارتـنـا وجيـرانـي
.
أشتقـت ( لجبـال سكاكا ) كـل فجـريّـه
مـن قبـل لايصـدح المـذّن بـالآذانـي
.
والله يــا أرض سكاكا كــل شتـويّـه
تسـوى ربيـع الجزايـر وأرض لبنـانـي
.
الله ياهـمـي كـنّـه جـمــرة ٍ حـيّــه
أخفي دموعـي .. وحـر الشـوق بكّانـي
.
يـادار سكاكا تـرى لـو طالـت الجـيّـه
والله لرجـع وانـا مشـتـاق ولهـانـي
.
ودعـت سكاكا .. وكـل أرض ٍ شمالـيّـه
لكـن أبرجـع لهـا لـو عمـري أمدانـي
|
اهلا اختي الغاليه غموض الشمال
قصيده اكثر رائعه ومميزه
والله يرجعك لاهلك يالغلا والنعم باهل سكاكا