بسم الله الرحمن الرحيم
السلام عليكم ورحمة الله وبركاته
ليت الغرام اللـي سكنـي يتبـدد=وتكن ياقلـب السديـري وتهـدا
ياعـيني اللــــي دمعها جرح الخــد=لاهيب ملطومه ولاهيب رمدا
لامسا عليها الكون والليل الاسود=يفوح محجرها وتزداد وجدا
سبة جروحن كـــــل يومن تـجـدد= لاراح منها وفد يبدل بوفدا
تارد مثل ورد الظوامي على العد= مابين معلوقن ومابين كبدا
بأسباب جرحه صاحبي ناعم القد=خان الغرام وماذخر فيه جهدا
تنكّر لعرف الغـــلا وبيح الســـد=واعلن رحيله والمعاليق جردا
عــلـيـه قـلبـي كــل ليل يتــوجــد=والجرح من بين المعاليق هندا
عقب الوداعه واللطافــه تمـــرد=يحتار باالتجريح من وين يبدا
كنت احسبّـنه في حــبالــي تجـود=واثره على الفرقا حريصن وجلدا
نفسي عيوف وصامل القلب لاصد=يمـــوت ماجــا للمقـفـين عبدا
ببكي عليه ايــام واسـنيـن واعــد=فرقاه موت وسبة الموت بعدا
والا غلاه جنيه شع وتوقـد=ماظن في يوم يتغير ويصدا
وسلامتك