زعلان ؟ .. حاول تعاتبني .. وافسرلك !
محتار ؟ .. قلي وش اللي مشتت افكارك ؟
ندمان ؟؟ .. ياما عذرتك قبل اصورلك ..
إحساسي المر .. لاطالت بك اسفارك .. !
وكم لي أرتل لحون الشوق .. وأمطرلك
طهر السماوات ... و أنت تشح بأمطارك
غنيت لك في غيابك لجل ابررلك :
"القلب جارك لو انه ماهو جوارك "
إلين .. عدّى ربيعً كان... ينثرلك
على ضفافك ورود وجفت انهارك
يا ساقي الورد مات الورد .. وأعذرلك
جهلك والاهمال .. قبل تقدم اعذارك
بالامس لوّك تغيب ليوم ... أدوّرلك
واليوم ماعادت اسراري هي اسرارك
طفيت ... كل الشموع .. اللي تنورلك
ومديت ... كف الغياب تلوّح لـ دارك
المشكله ماهي اب : " مقدر ابررلك !! "
المشكله انك أمين .. وخاينً جارك