اقتباس:
المشاركة الأصلية كتبت بواسطة رابح الغضيان 
اقتباس:
المشاركة الأصلية كتبت بواسطة غموض الشمال
لاتحسبن بغيبتي عنك ناسيك=ولا سليت ولاهيه بامنياتي
لا والذي من حاني القلب معطيك=وارسى غلاك بوسط روحي وذاتي
انك مثل نور العيون المحاكيك=لاغاب نور العين تظلم حياتي
مكانتك في وسط هذي وهاذيك=في نون عيني مسكنك ياغلاتي
واني عقب فرقاك شفت التهاليك=غريق ضاعت منه سبل النجاتي
في غيبتك جفت محاصيل غاليك=واللي جمعته صار عقبك شتاتي
ابكي على ايامك واحن اللياليك=يوم اتذكر ماضيٍ معك فاتي
والله ما بالكون شخصٍ يساويك=ولاحدن تجرأ بعد غيبتك ياتي
ياجعل يفدونك جميع الصعاليك=ومدورين الهرج واهل الشماتي
مشاعري صارت لحكمك مماليك=وصلك مثل سقيا المطر للنباتي
عجزت لا اسلا كل مابي يناديك=لامن طريت اعاف لذة مباتي
تدري متى بنساك ويغيب طاريك=لاغاب ذكري واخبروك بوفاتي
نص راقي ويستحق الاشادة
اختي الفاضله
الشاعرة
غموض الشمال
لله درك
وصح الله السانك
ادامك الله وادام هذا الابداع
تقبلي مروري
وتحيتي
الشاعر القدير والرائع رابح الغضيان
صح الله بدنك اخوي
والابداع هو حضورك المشرف..كل الشكر على مرورك الراقي
تقديري